和緣: Omakase太悶了

在香港，Omakase食得多，但類似kappo的餐廳，着實不多。

沒有會席或者係懷石料理那種煞有介事，食之前好似要淨身又超級難book位，你還記得上環那間米芝蓮二星嗎？喺香港始終唔係個個識欣賞，反而割烹就更好，分別就好似法式小酒飽同吃full course 法國菜一樣。

“割“指切割食材，“烹“指烹調，有別於平時冇人同你交流嘅kappo，呢度有開揚嘅270度海景，仲可以俾你欣賞到廚師嘅技巧，另一種發辦，唔係下下刺身壽司，特別適合不太愛生吃的你。

好似凡夫俗子如我，食得多刺身壽司，想食下日式fine dining ，有環境，有靚擺盆，最重要唔係下下淨係刺身壽司咁悶，又有熟食食，多元化少少。

淨係睇個環境同幾張嘢食相，相信你都覺得wa 一聲，呢度嘅午餐10道菜只係$580，聽講午市已經好爆，我就反而試咗夜晚，雖然係另一種感覺，但full course $1980有15個菜式，比起好多唔同嘅omakase，呢度嘅驚喜度更加大。

今日接待我們係大廚Kris，亦都係令我哋嗰晚食得開心嘅仲要靈魂人物。先上場嘅parma ham配蜜瓜，已開場感覺來講，好fresh，同埋以為和式日本嘅餐廳來作為前菜，感受幾新鮮，唔同種類嘅火腿感覺當然唔同。

三種不同的刺身，感受由淺入深，呢度唔係食廚師發辦，不是sell刺身，唔需要特別說得天花亂墜，絕對有水準就是。最愛一定係加了調味的靚海膽。

那個煙燻的鰤魚，一開碗的煙燻香令人感動，吃下去的味道同樣好得。

呑拿魚腩，炸海苔加上芥茉泡沫係最令人驚嘆嘅作品，睇樣以為食緊法國菜，當然泡沫係非常重要嘅原因，但整體配合得好好。

花膠鵝肝蒸蛋，藝高人膽大之作，我會覺得令人始料不及，攞開鵝肝個刻才知佢地嘅心意。

招牌名物花膠三葉係我當晚最愛作品。

好多唔同嘅介紹都講過呢度嘅花膠天婦羅，以呢種食物來做天婦羅絕對比到香港人好多嘅新鮮感，通常食花膠都係以鮑汁炆同埋係佛跳牆到食到比較多，咁樣處理比較少見啦，加上紫蘇葉同埋唔會太厚嘅炸醬，可以話係完美。

鱈場蟹，沙甸苗乾、帆立貝及白身魚蓉及牡丹蝦、魚子醬、紫蘇葉都係不得了之作，外間的天婦羅係用料等無咁講究，當然用好係因為其技巧之高。

碗物係北海道豆乳, 鮮雞腿肉、響鈴，用上樹記腐竹，日本豆乳同雞肉，個湯先飲一口就知幾好飲，沾上腐竹就如打邊爐一般，而食之前請欣賞不同的日本餐具，全部都有典雅的京都風。

燒物鹿兒島A4和牛柳、迷你洋蔥、露筍、松露汁，精選來自鹿兒島的A4牛柳，特別在同那些出名食靚牛嘅分店有點基本上沒有不同。無經冷藏特別好質感，加上洋蔥和露筍，還有提鮮的松露汁，好完美，以手法話你知幾好，唔係著重舊牛幾靚。

去到呢到已經好飽，還有主食係自家製意粉、海膽、海苔醬、烏魚子，日本高筋的麵粉及意大利粗麥粉夾埋自家做的意粉，拌上海苔海膽醬，你以為又係加大板海膽搶眼球？點知係加上特別的台灣烏魚子，好少見，但選得好好的配搭，感受很深，飽都會再食。

甜品不用多說吧，那碗京都來的綠茶，完美了成件事。

昨天朋友叫我推好吃的新日本菜，我只是俾呢間餐廳link附上一句，一定要去，就是了。

和緣 上環干諾道西48號干諾中心29樓