Pazzi isshokenmei: 經過一些秋與冬

或者有些餐廳，你以前唔識欣賞，因為一些人一些事，你才會愛上。

從前我愛中菜多過Fine dining ，因為一個人嘅statement ，我開始去研究，到我而家真係愛上了一些以前不喜歡的東西。

就如朋友介紹我來嘅呢間Pazzi isshokenmei，位於HQueen’s 日本加意大利fusion，你大概都知係乜嘢類型嘅餐廳，仲要係好靚嘅餐廳，女人一定鐘意，以前我未必好食呢類餐廳，但經歷咗唔同歲月嘅洗禮，原來口袋裏有幾間呢啲餐廳都幾好。

前菜有鱈魚片同我最愛枝豆，飲杯白酒先。

日本人其實好講究食芝士，呢個Tokyo Burrata 吃得出其用心，就係同咖哩一樣，日本人總會調出自己的味道，最重要係靚得如米芝蓮餐廳一樣。

Seasonal Sashimi Salad 又係傳統日系可愛kawaii，怪不得朋友話呢間野一定得女性的歡心。

Beef Tataki 同樣係幾得意的，唔係硬碰硬那種牛肉的粗獷感覺，小巧的fingerfood 感覺。

全晚最愛係呢個Red Prawn Udon，睇英文都知，食烏冬，唔係意粉，但那血紅的醬汁將一條烏冬來回地獄又折返人間，那味道濃度叫你難以忘懷，同平時出面食嘅紅蝦意粉又唔算一樣，感覺多層次一點，剩係隻紅蝦，已經太難忘。

有席上的朋友喜歡的Miso Crab Tagliolini ，我個人覺得震撼感無咁高，相對簡單，驚喜度無咁大，但強勁的蟹肉又真係叫你會容易愛上，只是時間關係，我第一下食還是滿喜歡的。

應該係我吃過最貴的意粉，除非我記錯唔係，Uni Tagliatelle ，由於我地當晚女仔多，選了100g，盛惠$888，你有買過一排排海膽的經驗就知道，不夠膽講物超所值，但絕對食到你回味無窮，海膽像山泥傾瀉出來，同個意粉就如天造地設，想到的是個愛情故事。

Black Cod ，簡單的美，看你會不會喜歡，相對我覺得簡單咗少少，但都幾好食。

轉食牛，一定要飲紅酒。

A4 Sirloin ，來自日本的和牛，那有不好的理由，唯一唔好，就係食到好油好膩，咁算唔算唔好呢。

甜品係如叫我來的K一般，甜美又人見人愛之選，CREMIA soft serve with lemon zest $168，當場在你面前搽上檸檬真心係第一次，剩係個過程已經值回票價，當然，仲要係幾好食，本身諗住share，但最後人人要杯，可想而知，幾勁。相對另一個甜品，無咁吸引。

就如經過一些秋與冬後，就愛上了呢啲fancy餐廳，從前不會愛上，可能有時就係因為某些人某些事情。

Pazzi Isshokenmei 中環皇后大道中80號H Queen’s 2樓