三鍋: 港島邊爐九龍價

剛好今日放假，同老婆行街行到攰，銅鑼灣搵地方食飯，兩個人坐得耐休息下就係打邊爐最好，在google裡mark了的三鍋，打過去就有位，唔駛諗。

六點幾都半滿的邊爐店，心諗有乜咁特別，看完價錢就明白了。

可惜得兩個人，如果唔係就可以食勁嘅煲底，隔離枱的花膠雞煲，正到癲。但兩個人邊有咁嘅能力，就簡單一個邊爐晚餐就算。

古法沙嗲鍋配拼皮蛋芫茜鍋，各有千秋，一個野性，一個下火，中庸之道。

肥牛有幾種，中價的本地手切肥牛，煮起黎，都幾有勁，牛味重，幾夠肉香。

是日精選的有豬天梯，我諗我有好多年無食過，阿姐話好新鮮，唔試會後悔，睇個樣係幾好，不過吃落去同我以前食豬天梯的感覺，有點不一樣。

濃汁牛丸，不知是不是和牛的關係，特別好食，特別彈牙。

也不錯的還有手工鮮蝦西洋菜餃，勁滿足，又大隻，個皮嘅厚度剛好。

加點皇帝菜吃完後，你叫得沙爹，唔食烏冬公仔麵對唔住自己，但吃健康一點，送個淮山麵。

飲杯王老吉，兩個人的簡單，就係咁，唔飲酒，吃完便回家。

叫左咁多野，還是兩百幾一個，坐得舒服，令我想起深水埗長沙灣一帶吃大的火鍋店，值得我再去。

三鍋 灣仔告士打道229-230號宇宙商業大廈2樓