2021年12月9日星期四

富豪酒店: MASTERCHEF

不知有多久無試過呢度嘅晚餐,成日都話富豪酒店相對係酒店業來講唔算有好多米芝蓮級數又好出名嘅餐廳,但係今日食左呢個masterchef 晚宴後,我又真心唔係咁諗,有兩三間餐廳都因為今晚餐飯完左後感覺幾滿意才即刻去食。
九道菜美酒佳餚菜譜,的確係好震撼,最緊要,個個菜式都有pairing,有一兩個水準係直逼有星嘅餐廳,而且當晚有幾多酒都好出色,令人想即刻入手亦都大開眼界,即刻睇睇。
春初心為頭炮,龍蝦沙沙,金莎椰菜花,鮮蟹粉鍋巴,由富豪香港酒店富豪金殿首席中菜行政總厨楊嘉輝師傅製作,配上Louis Roederer Collection 242,一個字,好,開頭開得好,通常成晚都有食神運。
夏慕情的出色,帶你來到東南亞風情,海南難壽司,越南庶蝦,帶子柚子沙律由麗豪酒店河夢餐廳主廚都玉華師傅製作,的確海南難壽司驚喜好大,如果排不到紅磡勇記,來麗豪酒店食海南雞都不錯,帶子柚子沙律清新度滿分,係我之前少吃到的感覺和滋味。Domaines Ott Château de Selle Rosé 2020,感受到的是熱帶的夏天嘅感覺。
金湯珍珠香茜魚蓉羹則由富豪九龍酒店富豪軒首席中菜行政總廚會仲康師傅製作,那種濃烈同香味,和DOMAINE PAUL BLANCK Gewürztraminer 2019的甜美一拍即合,Gewürztraminer通常好死甜,佢甜的個性有所不同,同魚蓉和香茜味道好共同。
富豪機場酒店紅軒中菜行政總厨黎新勉師傅製作之後的芙蓉黄金蝦,外脆內軟,加上點點蛋白伴碟,呢個菜式冇半點花巧,就係咁自然令你愛上。呢個菜以DOMAINE DES SENÉCHAUX-FAMILLE J-M CAZES Chateauneuf-du-Pape Blanc 2019伴奏,感覺就如交響樂的小提琴一樣,輕度重擊味蕾。
當晚最愛係呢個花枝煎釀花膠甫,此作由富豪酒店集團中業行政總厨葉志森師傅製作,味道好得人歡心,花枝嘅鮮味同花膠甫加上鮑汁絕對如我般的花膠迷最愛的一道菜,LOUIS LATOUR Chambolle-Musigny 2016配花膠,絕對如虎添翼,令你膠質的口感有如沐春風的感覺。
去到威靈頓牛配黑松露馬德拉醬汁真係飽到七彩,不過依然無損大家想食嘅慾望,富豪九龍酒店MEZZO行政總厨林志榮師傳製作呢到菜,威靈頓牛配切開就知道有幾靚有幾好,吃得牛肉,當然要配紅酒,RECRUE DES SENS-BY YANN DURIEUX Les Ponts 2017係相對較為新嘅酒莊,風格都唔同左岸嘅風格,令你感覺好新鮮。
青花椒沸騰銀鱈魚就由麗豪酒店龍門客樓主厨姚立師傅製作,我食過由喜之次做的酸菜魚就發現,由桂花以外做酸菜水煮以外的可能性,銀鱈魚的甜和油份令到呢個青花椒湯更多元化,一杯PRUNOTTO Barolo DOCG 2016清洗辣辣的味覺後,感到的是更想吃多一口辣的想法。
尾聲的花雕蒜香糯米蟹飯,放係個蟹入面,蒜香同蟹肉加上花雕後嘅夾,令人滿意,此道由富豪香港酒店富豪金殿首席中菜行政總廚楊嘉輝師傅製作,尾聲的GUADO AL TASSO Vermentino Bolgheri DOC 2020都是不錯,有點去油膩的感覺。
甜品係低糖芒果椰子蛋糕流心黑芝麻奶凍,富豪酒店集團中菜行政總廚葉志森師傅製作呢個甜味就當然不錯,最驚喜係用上DELAS FRERES Muscat de Beaumes-de-Venise 2018呢個甜酒brand,結尾實在太好。
當然你想一網打盡所有嘢食,要去返相應富豪唔同嘅餐廳,有幾個真係特別出色,例如花膠,糯米飯等等,好幾度菜絕對值得你專程去,就如我完左呢餐飯都好想即刻去麗豪酒店河夢餐廳,來個冬日東南亞嘅美食團。

沒有留言:

發佈留言