SAVVY:虹吸冬蔭功

兩星期前，上個電台講冬日食物，其中一part講湯，我就推薦左呢間SAVVY。

係以前Spice Market舊位置，終於重開了間新餐廳，主打一系列東南亞嘅美食。今晚嚟嘅原因主要係見到佢嘅虹吸冬蔭功。

當然除咗呢個菜式之外，最好嘅方法就係試吓佢嘅set，有頭盤、主菜同甜點，$468一位。

精選自助頭盤，絕對令我諗起以前spice market嘅時光，我記得那個時間，去呢度食早餐好似係潮流嘅先驅一樣，一位難求，仲要次次都食得滿足。

呢度仲有個吧，我地一人叫了一杯cocktail，靚得黎都算幾好飲。

呢度嘅頭盤雖然冇話好似以前自助餐咁多嘢食，但係應有盡有好多種唔同嘅海鮮，好似蝦、青口、帶子，各種唔同嘅沙律，有好多唔同嘅東南亞前菜，仲有湯品。我最深刻好食係個呑拿魚。

個人最喜歡泰式嘅粉絲海鮮沙律，食足三轉。

點了個泰式大頭蝦冬蔭功湯，可能你會奇怪，他們已經有湯飲，點解又叫多個？

用上虹吸來整冬蔭功，用熱力虹吸方法來做後期，湯料剛剛好同湯係熱力點遇上，溫度夠熱又濃，係我飲過不錯的一個冬蔭功之一，當然可能你話Gimmick多，但我覺得又唔錯。

印度傳統拼盤配薄餅，另一個好有特色的必點菜式，有芝士咖哩、印度飯、烤雞、奶油咖哩雞、咖哩蝦、咖哩角薯仔等等，加個薄餅，就算未食你睇見咁色彩繽紛都開心。

個人最喜歡呢個烤雞，唔會太乾之餘，仲要好濃好入味。

主菜選了印尼烤雞配椰醬飯，黃薑飯，印尼烤雞和森巴醬成為了整個主題，整體水準同原來係觀塘好運感覺分別唔大，當然講印尼野我係門外漢。

中菜嘅紅燒飽魚配時菜鮮菇及炒飯，幾suprise，又話係食東南亞菜式，點知煮中菜又幾好。

最後，食埋燒澳洲和牛配意大利青瓜、紫薯及黑椒汁，呢個最唔起眼嘅嘢原來係最出色，燒和牛掌握得淋漓盡致，和牛的溫度味覺也剛剛好。

SAVVY美點車又係重點，我自己唔喜好甜野，多種唔同的甜品，當晚食左藍莓芝士蛋糕、伯爵茶黑加倫子蛋糕，檸檬蛋糕，栗子蛋糕，但我都鐘意藍莓芝士蛋糕，加上店員幫你用朱古力同藍莓做嘅造型，好靚。

食飽飲多杯茶，滿足又舒服，加上餐廳嘅環境整體感覺好好，遲啲聖誕新年應該必定會係城中話題之一。

SAVVY  尖沙咀廣東道3-27號海港城港威商場3樓3209A號舖