小時候,每幾個月就會去屯門,因為拜山的關係, 每次都是和屋企人去,而屋企人聚會當然係食中餐, 那間大會堂的美心,不知吃了幾多萬次。
這個屯門市廣場熟得很,唯獨每次都沒有機會試吃其他東西。
碰巧今天來到這裡見朋友,當然試找一下附近有乜好食, 本想吃地道的粉仔,但想吃好一點應付勁唔高興嘅心情, 當然找自己最喜歡的comfort food 。
而家的屯門市廣場食物百花齊放,乜嘢選擇都有, 要選擇好東西都有難道。
然後選了近來最有名的鮨千寿,六點到已經全院滿座, 我屯門市廣場的人流一樣,絡繹不絕,相信中伏的機會不多, 雖然記得之前朋友m小姐說過這裏的食物非常一般,但觀乎近來的c omment也像不錯,也增加了我的信心。
一坐低他們便有時令推介,選擇很多,看到這個牌我便更加放心, 因為肯定這裏每天有飛機貨到,於是便選擇了其中的針魚。
冬天魚類刺身時令好豐富,除了白子是我最喜歡外, 針魚都是我愛的一種,白身魚通常味道都不會太濃, 但這個白身魚味道集中,配合薑蓉蔥花豉油,其個性更加突出。
另外放在一起的海膽魷魚卷當然是最穩陣的配搭, 雖然不知這個海膽是怎麼種類,但有着馬糞海膽的濃烈, 滑身的魷魚包着味道濃郁的海膽實在是令人非常滿足。
天氣極凍,當然要飲碗湯,舞茸茶壺湯加上青檸後, 暖身又好飲又開胃。
懶人最喜歡叫的就是特上壽司拼盤,見之前好多instagram 都post呢張相,一個選擇有得食吞拿魚腩,帶子,原條鰻魚, 三文魚,海膽,玉子,甜蝦等等, 這個完全不高的價錢可以享用大部份新鮮又不錯的食材, 質素絕對近乎你在銅鑼灣吃廚師發板的味道。
當中我最喜歡是吞拿魚腩,厚身的切法突顯了吞拿魚的濃郁味覺, 而帶子用上了複雜的刀工去處理,吃得出其師傅的心機,不是就一件 3L帶子俾你食咁求其,誠意可嘉。
因為太大食的關係,特上壽司拼盤未夠滿足,於是A la cart了幾件壽司,其中一樣就係三文魚籽,新鮮度滿分, 每粒三文魚子在你口中卜卜聲地爆開, 就如在你口中上演了一場愛情動作片。
蟹膏當然是濃濃的蟹味,唯一的弱點是紫菜太過淋身, 作為軍艦紫菜太過緊要,不過蟹膏的好卻拯救了整件軍艦。
燒過幾下的火灸左口魚邊就為今晚的壽司晚飯寫一個最好的結尾, 左口魚邊油分極強, 燒過之後其油份的發揮將酒精在你身體上散發一樣,滿口都是油香, 愛油香的人絕對不要錯過。
就這樣吃了廿件壽司又刺身都是幾百元,雖然地方較遠, 對大西北朋友來說, 想吃壽司而可以用一個相宜的價錢而不用到尖沙咀銅鑼灣才可以享用 到像廚司發辦的質素,實在是不錯的地方。
鮨千寿
屯門屯順街1號屯門市廣場1期1樓1108-1111號舖
沒有留言:
發佈留言