2020年10月13日星期二

半島漁港:點解可以咁平

有時屋村餐廳都不錯,真係平到你唔會信。

講真喺經濟環境唔好嘅情況底下你冇可能日日大魚大肉,雖然五星餐廳又有半價又有五折又食飯送房,但係你總唔能夠日日食好嘢。


朋友提議反其道而行,係屋企附近探佢嘅時候試吓佢隔離屋村嘅餐廳。


呢間半島漁港原來都有兩間分店,我個朋友話超級抵食,佢住南昌站,隔離南昌邨就有其中一間分店,就算一至五都非常爆滿。


當晚叫咗優惠三寶,星期一至五晚$398,公眾假期也只不過係$438,話係三個餸,但係其實有四個。



先有生汁明蝦球,燒腩仔,龍躉兩味,有蒜子陳皮蒸頭腩同油泡龍躉球,平均才一百蚊一個菜式,講真,呢個價錢,你自己買餸都唔得。



 生汁明蝦球水準正常,燒腩仔夠脆較肥,龍躉球啖啖肉,蒸頭腩送飯一流。





仲有另外一個,俾$1仲有一碟例牌燒鵝,$500都唔使,基本上你叫到成枱都係野。



最後因為冇乜菜,所以叫多個南乳齋煲,埋單都係人人百幾,食到飽仲要可以攞走,點解咁平,大概呢啲真係我哋認識嘅屋村餐廳吧。



PS味道真係普通到不得了,纯平價分享,所以求其少少用手機影相就算。


半島漁港/阿翁火鍋館 
深水埗西邨路19號富昌邨南昌薈1樓F102號舖

沒有留言:

發佈留言