2020年10月13日星期二

Go Go Rock: 大冒險家

有時,試新餐廳絕對係一個冒險。

你以為睇相或者睇文或者睇IG介紹後,就一定好食,少年,你太年輕了。


當你認識得好多foodies嘅時候,你會知道有些人有免費餐食就好好好,然後自己去試食就要去酒店出入,自己俾錢就一定唔會食多過一舊水一餐。


呢樣先係最諷刺,因此,有時你睇文睇post都要好小心。


看過一些post後,朋友話有間旺角嘅西餐好得,講開旺角西餐,我諗起朗豪坊入邊個堆餐廳,又諗起以前嘅霸主天機棧,仲有冇開,我都唔知了。


朋友話想試呢間Gogorock,然後佢話有班幾朝嘅IG blogger都介紹,唔會有錯,食餐生日飯,地點又好,價錢又唔貴,既然朋友有選擇,我就當然話好,恭敬不如從命,我最怕選擇餐廳。


晚上來到這裡,餐廳氣氛都係一些較local的西式餐廳,唔知點解真心令我想到天機棧。


餐廳都幾有誠意,有好多款唔同嘅酒,而且有好多比較走高檔路線嘅食物,價錢又唔算太貴。


焗蒜蓉包非常大件,每件再塗上牛油,香夾濃,絕對不是亂咁俾你的貨色。




係求其定係驚喜?牛油果螺肉沙律,老實講,兩樣大纜都扯唔埋嘅食物加起來然之後俾個沙律你,出奇地個味道有幾夾幾清新幾好食,一隻翡翠螺又要剪又要切牛油果,都幾有心機。



香煎蟹肉餅,呢個真心普通,冇乜嘢好講,而我不覺得佢似蟹餅。




以西餐廳來講,菜式嘅調配上的確有少少奇妙之處,野菌磨菇湯姍姍來遲,奇怪,點解唔係配麵包一起來?我朋友仲話幾好飲。



本身看到香煎銀鱈魚,以為會是很大碟,點知原來只係一件細細嘅魚,銀鱈魚好香,油份強。




燒美國豬鞍拼M5和牛,兩款名貴嘅肉走埋一齊,你以為和牛一定出色過豬?非也,豬鞍煎得非常香脆,肉味勁濃,和牛不算過油過膩,但總算比和牛出色。





主角係紅蝦汁海膽天使麵,呢個係我成晚最期待嘅食品,海膽加上底層有好多紅蝦,天使麵雖然煮得唔係太好食,但還是很為人可以接受的一道菜。






心太軟拼特色甜品,我真係無食過,但見身邊兩位女性朋友都說幾好食,我估且相信吧。




個餐仲可以每人點一杯特色雞尾酒,加上咁多野食都係一個相宜的價錢,老實說,冒險精神試下,未嘗不可,但如果你抱有已一個平價錢可以fine dining,大約是一個錯的concept



Go Go Rock 
旺角砵蘭街180號地下A號舖

沒有留言:

發佈留言