十人軌和萬人斬

如果你看到那個topic然後會有興趣為什麼我可以以X人斬為題材，那麼你應該係一個十分正常的男人。

如果你不明白，那麼你應該是一位女性，或者，你真係冇乜講衰野嘅天份。

有些愛情動作片，要好多人參與才會好看，那種萬人空巷的場面就如暑假blockbuster ，呀，那應該是成人電影的blockbuster，我成日都諗究竟有幾多個人鐘意睇咁hardcore嘅野，你估下下都天煞地球反擊戰咩，對我來說，適合咁大堆頭的應該是中菜，越多人食先越興奮，你會問，點解連呢啲你都可以link到去啲衰野到?無辦法，天性如此。

就如私房菜，你一兩個人去食到D乜，一班人集體非集會群毆才是皇道，這才吃得暢快。

今晚就是有朋友預訂了這間私房菜，時間地點人物，無人不合，正所謂姣婆遇著脂粉客，一拍即合，來到了名門吃餐十人軌。

順德菜粒豆腐魚茸羹 $348，一大盤的例湯為我地打開今晚私房菜大戰的這個序幕，羹的內容非常大cast，清新菜粒加滑滑豆腐仲有非常有彈性的魚茸，那個羹唔會太"杰”，可能太多餸的關係，那個大場面的氣勢，強到不行。

青芥冰燒雞（半隻）$348，你看名字以為是一隻隻雞咁啦，然後這裡的心機和緻細也已經預告你這不是一個簡單的菜式，來到枱面上那一刻我以為提早食團年飯，子薑芥辣芋頭絲雞絲海哲等一大堆頭就好似呢個撈起咁，大堆大堆撈起撈起。

懷舊蝦多士拼大良炸奶，前陣子有人日日話要大良炸奶，令到我都不期然聽待之菜式，但係大良炸奶有點點失望，我吃到點椰絲味覺得有少少怪。

相對那件蝦多士就做得不錯，油份不多而乾身，喜歡其香口而不覺佢感覺油膩同又煎又炸的風格。

我雖然不是好魚之人，但係每次如果有機會食順德煎釀鯪魚，我都是會狂吃的，這樣的心機菜實在是冇乜地方可以做得好，記得在廣州吃過一次，自此愛上食順德煎釀鯪魚，用鯪魚肉打成魚餅再整番條魚出黎，鯪魚肉的密度是透不過氣的，加上一點點的蔥花之點綴，無得敵。

你睇，個橫切面睇就知真材實料，怪不得佢地話傳聞呢度師傅打鯪魚打到甩骹。

一口鮑魚柚皮扣鵝掌（六位用）$648，也不用說太多，呢個班底也點會唔好食呢，大約只是柚皮唔夠入味，如果有蝦子成件事會再不同，鮑魚扣鵝掌都是BAU的表現，不過相對沒有大驚喜和驚嚇。

砵酒焗桶蠔 $68/隻，可能我食過很多間不同的砵酒焗桶蠔，自己有點高要求，美國來的桶蠔是肥大肉厚的類型，加上紅酒浸過的洋蔥，香氣迫人，可惜就是和我平常食開的那個桶蠔的味有點分別，可能是太重酒味的關係，令我感覺有點奇怪吧。

當然要吃一點菜吧，蝦乾魚肚大芥菜煲&168的氣勢雖然沒有啫啫般厲害，但魚肚卻是上佳好吃好的搶鏡作，佢索盡湯裡面的精華和大芥菜的鮮味，飲一口湯，更是絕配。

豉椒味菜炒猴頭菇（例）$168，估不到原來另一主角係苦瓜，完全適合這個熱到不行的夏天，猴頭菇和苦瓜的化學作用夾得很，只不過豉椒味菜增加了呢兩個清心寡慾的食材多一點色彩。

名門炒飯（例）$198，絕對是好吃得很，炒得每粒都有彈跳力的彈性，料足又夠鑊氣，最重要大大兜，份量夠，真係多人啲都夠食，那個氣勢，無人像你。

十人軌的晚上，滿足得很，試得多種菜式外又認識多點新朋友，不亦樂乎，大約葉問也是這樣想，何解佢想一個打十個，大約佢也有先見之明，知道群揍的氣勢吧。

吃飯，又不是如此道理呢，豪門夜宴，沒有人又怎是盛宴呢。

名門私房菜

灣仔灣仔道83號2樓