文青這個字,大約是用到有少少濫的地步。
無辦法,潮流勁流行這個玩意, 這天呢個去cafe拿部Macbook就係文青, 那天佢去什麼展覽,又係文青, 似乎香港的文青到達一個泛濫的地步。
特別是那些如狂風暴雨式的文青cafe熱潮, 基本上每區每街都無孔不入,將文青這個DNA深深印在每個角落, 我相信那個熱潮就好像從前日本菜或者是雨後春筍的韓國菜一樣。
本來來到觀塘,我完全沒有想過會在這裡吃東西,在睇電影之前, 在觀塘有少少事做,路過彪哥海鮮餐館,如果你知道邊條街, 你應該明白我的驚奇感受。
係好多阿伯阿叔圍著,小巴站和街市,舊到不能再舊的街道, 竟然有間咁新式的cafe,叫life break,完全同呢條街嘅風格唔同嘅佢,我決意入去試下。
然後我就想,大約可能文青真是多得很, 多得連這個舊區都開間咁特別嘅鋪頭。
這裡是確實是間文青的cafe,裝修簡單,座位不多, 有少少畫掛係牆上,枱不得,但燈光暗暗很有情調。
我想,如果有時間,我可以在這裡坐一個下午。
我難以想像,一個咁男人咁麻甩的地方,竟然有間咁嘅餐廳, 咁女性,咁文化,咁文藝。
音樂扮著nothing's gonna change my love for you, 門口有個小巴阿叔係度睇馬經,好強烈的對比。
每條意粉都沾上了卡邦尼的醬汁,滿滿的滋味,滲入每條意粉, 你認真會覺得,這個四十幾蚊的午餐真係一個幾有心機的作品。
藍青口海鮮意粉配紅椒汁,樣子沒有血一般紅, 大約不是那些被遺棄的女孩煮的吧, 但非常香的海鮮加上那些紅椒汁卻是強的野性。
我喜歡海鮮的鮮味,藍青口是大隻得很, 不是平常午餐的那些不夠營養的款式,這個也是值得加分。
這裡的飲品menu很簡單。
叫了碗阿姐最喜歡的熱咖啡,我在想號稱文青的人就是不喜歡她, 也會喜歡簡單單調的熱咖啡,這裡的咖啡全部是落左奶, 你只能控制糖份,想飲齋咖的朋友要注意。
熱奶茶,不過不失, 不知為什麼我總覺得那個味道很像那個大家樂或者是麥當勞的奶茶, 就真,是很普通的奶茶味道,如果要說缺點,因為佢唔夠熱罷。
最後吃完後,發現原來午餐竟然有甜品食,然後加了個心大軟。
說真,我沒有想過呢度甜品會幾好食,係冇expect情況下, 非常有驚喜。
那個心大軟放落枱已經勁香,用刀一割開,流心完全湧出來, 呢個必定合格,那個心大軟的皮厚度適中,配合那些朱古力醬, 絕對是驚喜中的驚喜。
的確,在完全沒有期望的情況下,這是一股清泉, 可能是文青太多的關係, 多得連完全想像不到有市場的地方都有這類cafe, 大約那裡都是文青的這個趨勢只有繼續增加...
Life Break
觀塘宜安街17號地舖
沒有留言:
發佈留言