給在上引廁所偷吃鮑魚的你:
不知道在台灣旅行的你現正過得好嗎, 不知在廁所吃那鮑魚的味覺感覺如何?
回來以後的你,不知是否還這樣喜歡吃鮑魚,如果係, 我誠意推薦你來到這裡,我想在酒店的大枱吃鮑魚, 怎樣也好過在廁所裡吃,如果近來你那件麻煩事已安頓, 文件處理又妥當,我誠意邀請你過來吃這裡吃過下午茶。
可能你會覺得我吹水,酒店吃下午茶又點會平, 像你這樣精打細算的,我一定格左價先話你知。
下午兩點半準時來到,就有大批精美的食品等你, 最吸引莫過於係你最鐘意食嘅鮑魚,呢度鮑魚任你食,係任你食, 食到你傻,仲要上金萡係上面,貴氣非常,你有幾多可以吃幾多, 就好似我,今日食左有八隻,不用偷不用搶,光明正大。
食到口乾,有cocktail 有mocktail你選擇,食到口乾哽咽,也不怕。
喜歡有點飽野打底,那個日本冷麵,叫我吃得滿足, 不用怕別人說這些tea buffet完全唔飽。
熱食種類很多,大部都是非常可口的東西, 鐘意食呢類嘅朋友肯定大開殺戒,春卷,龍蝦肉多士,豬肉卷, 炸蝦球,蘿蔔糕,南瓜磨菇卷等等,每樣都在水準之上,我在想, 上引應該冇咁多好食嘅熟食,不用入廁所偷偷摸摸,唔好咩。
我最喜歡的熟食還有這盤栽,以四川雞,黑松露,鵝肝傳的雪糕筒, 可愛得很,就如我今天認識我新朋友F小姐,淡雅如菊, 正正形容那種如鄰家的可人兒。
還有那個美味的Parma ham,加上甜到入心的哈蜜瓜,有誰不愛。
北京填鴨卷也是我愛的熟食之一,樣子cutie得來又可口。
吃飽後更有雜果幫助消化,完美的酒店buffet, 就是什麼也會精緻一點,連水果的都放得可愛。
甜品的種類多且靚,不同味道的macaron ,cup cake ,冬甩,eclairs ,綠茶撻,朱古力蛋糕,其實港女最鐘意咁多元化嘅甜品,甜品同W hotel 一樣咁elegant,我相信作為港女典範嘅你,點會唔鐘意。
最正係呢個下午茶有杯香檳送,Veuve clicquot的Brut一定是信心保證,坐在W hotel 的大堂,食個咁多選擇嘅下午茶,仲要有舒適坐位,美麗景觀, 任食鮑魚,我當然會推薦識飲識食嘅你啦。
所以,我誠邀你,在上引吃得不夠鮑魚, 你不如再來和我一起在大枱吃鮑魚,唔駛係廁所, 雖然這裡的廁所比起上引更舒適,可能吃鮑魚的感覺更好, 就試下啦。
Woobar
尖沙咀柯士甸道西1號香港W酒店6樓
沒有留言:
發佈留言