2018年6月11日星期一

潮汕大目:尊品牛肉,只為尊貴的你

到深圳吃牛肉火鍋,已經不是什麼新鮮事。
這個風氣應該也流行了兩年有多吧,不過,當在那些討論區討論那三大牛肉火鍋的時候,依然是吸睛和呃like的傑作。

我懶惰下開的fan page,短短一晚,個reach係冇宣傳下,放一張全牛宴的相片,成功俘虜一眾牛魔王的心。

講緊係最潮最火嘅牛肉火鍋,潮汕大目。



可能你未聽過八合里,可能你未聽過福合埕,但潮汕大目呢個大哥應該一定聽過,特別係春風路同皇崗村分店,方便快捷大地方,是一班朋友開飯最佳地方。

帶着九男女的一日深圳美食團,最後一站為皇崗村的潮汕大目,呢方便係WeChat可以訂位,你普通話點爛都唔怕。


先來的是小食,蘿蔔炆牛腩,蘿蔔腍身但爽,牛腩如磚頭般大,半肥瘦的腩位,加上炆過的腩汁,兩碟用了五分鐘就食完。


原汁牛雜鍋,這裏的牛腩鍋冇香港那間旺順般吸引係事實,鍋裡牛雜不算太多,而且每件都不是很大件,牛肚牛肺牛膀牛腩牛腸,應有盡有,不過坦白,唔吸引的原因,在後頭,原汁牛雜鍋實是非戰之罪。

先來兩碟小的,雙層肉和嫩牛肉,兩種各有迷人處,嫩牛肉鮮滑如平常的鮮牛,雙層肉則肉味濃有咬口,這兩碟都有八合里的氣息,不過質素都比八合里高。



牛黃喉,又爽又脆如軟骨,好此道必吃。


牛胸撈,呢個絕對係香港少見的份量,咁大碟$199平日連五分一都冇,煮十秒,放入口油香驚人在口中爆發,有咬口嚼勁,愛油香的人,不要錯過。



胸口撈牛肉丸,是另一愛油香的傑作,就算八合里福合埕都冇呢個牛丸,肉味濃之餘,每粒牛丸奉上大大粒胸油,唯要很久才熟透,要耐心等候,可見牛肉充滿着整粒牛丸實在可以掉得死人,今晚有另外一台朋友遲了一點也叫不到,記得先點這個。




另外的生打牛肉丸,牛肉丸口感彈牙肉味濃,但和八合里福合埕有過之而無不及,也是不能錯過。

如果你喜愛牛重口味,牛鞭實在不能錯過,$78一大碟,連媽媽都吃完一條又一條,只要你唔好用有色眼鏡睇佢,其實佢係超好味版嘅牛筋。



牛骨髓又係重口味一員,洗得乾淨,味道濃郁,吃下去就是覺得像豬腦的感覺,滑滑的非常可愛。



之後係三碟重量級主角,全部係不可錯過的主菜。

這裡的花趾沒有八合里般珍貴,大大碟都是198,而且肉味激濃,雖然沒有太大咬口,但說真剩吃那味覺已經值回票價,而且,一碟有差不多四十件,絕對物超所值。



脖頸肉,即類似香港吃的牛頸脊,味道極佳,牛香一流,而且每件都有煙韌的質地,雖然沒有香港的厚度,但這類的都叫人吃得快樂滿足,大部分朋友都最喜歡這個頸肉。


最後的尊品黃肥牛,一如香港最佳的肥牛,味道當然是最濃最重,而咬口也是極佳,和頸肉有過之而無不及,看你喜歡那種,個人來說,我覺得脖頸肉好吃一點,正如在香港非頸脊莊總比牛肉受歡迎。

這裡另一傑作係炒牛河,上枱一刻,人人都奇怪點解要叫炒物,我話你地食左先講,最後,一條都冇剩,比那幾碟牛肉去得更快,我想你應該明有幾好食。

另外的香菜,菜藍,土豆也是解膩的配角,也沒有那些牛這樣吸引,九個人,飲飽食醉也是百六人仔,平時你在香港叫一碟都唔係呢個價。

地方舒適,食物高質,牛肉係你面前即切即上,完全不怕食物會係假,以呢個價錢,我想,上大陸食牛肉鍋,也不需要理由。


不如你諗下邊間分店最方便你食好過啦。

尊品牛肉,只為尊貴的你,呢個理念不錯,未食過,還不到深圳來吃個尊貴的
牛肉鍋。

潮汕大目牛肉火锅城

皇崗村市場北座1樓(麥當勞近)
皇岗皇岗村市场北座1楼(麦当劳近)


沒有留言:

發佈留言