萬麗咖啡室:十年再遇

從前小時候，最喜歡吃自助餐，在剛剛工作的時候，認識左四位工作上的好兄弟，那個時候，細細個，搵錢不多(雖然而家一樣唔多)，大家最喜歡搵優惠食自助餐，那個年代，其中一間最愛，係萬麗海景酒店的萬麗咖啡室。

十年多沒有再來，當朋友P約我晚飯，然後說出這間餐廳時，我差點沒有印象，這裡是我曾經的開飯熱點。

十年後，這裡沒有多大改變，反而小裝修了之後，地方更舒適，更有情調，地方依舊這麼大，係一大班人吃得開心又最興奮的聚腳地點。

如果說會展最適合商務客人吃自助餐，我相信這裡就是應該一家大細和朋友聚會的最佳地方，細枱大枱長枱乜類型都有，任何event有需要都可以來這裡。

如果你剛剛為父親節煩惱，下次有function 又想一家大細豐富點，自助餐就很適合你，爸爸如果愛酒的話，更佳。

因為六月係Riesling week，去年聽朋友說這裡幾間餐廳選的酒都一流，今日選了支Dr loosen 2016的果香勁重又帶甜的白酒送就最適合，當你吃那源源不斷的海鮮時，送杯稱心白酒，絕對是夫復何求。

最重要當然係食物，幾個要點吃完後我覺得絕不要錯過，第一就係這裡的新鮮拖羅，肥美得吃到整口都係油，聽說每晚很快會被搶購一空，無辦法，太好吃了。

仲有呢度係用上可持續發展海鮮，特別有意義。

配Riesling ，冇得輸。

還有其他不同種類的刺身也很好，特別是帶子，3L款式厚切，三文魚和甜蝦也是不錯的選擇。

火焰和牛壽司也是不錯，吃得人津津樂道，壽司款式也很多，令人花多眼亂。

講開Riseling，當然不要錯過食蠔啦，是晚的fine de Claire ，肥嘟嘟的身形又重海水味，吃一打是常識吧，如果你今晚有節目，食多一打又如何，一定有用。

另外其他的海鮮都好多款式，蟹腳，藍青口，蝦，全部都係精美海鮮而且源源不絕地任你吃，你可能會話沒有很名貴的冷海鮮盤，但好戲在後頭。

咁正嘅自助餐點會冇龍蝦做主打，呢到有勁正嘅蒸波士頓龍蝦配芝士醬任你食，我想講，平時冷盤上的完全無技巧，呢到係整到好好食，特別係佢用上新鮮龍蝦，個蝦拑係鮮到無得彈，啲肉係滑到好嫩，絕對不能錯過。

當呢刻先發覺，個酒同龍蝦係絕配。

這裡沒有如其他酒店自助餐有好多咖哩，不過，個咖哩卻一擊即中，非常好味，辣度適中帶點甜的咖哩，非常近似我最喜歡的重慶大廈印度味，配合那蔬菜和餅食，一流。

如你是愛澱粉質的人，這裡還有海南雞飯和燒鵝瀨粉，我朋友隻肥美到不行的手攞住海南雞嚟影相就知海南雞質素係激靚又美味，燒鵝每件都磚頭般大件，包你滿意。

雖然你話已經有粉有飯，但都係不能錯過的粉麵，有位美女朋友話呢度嘅湯底好到可以就咁飲，我沒有什麼位置下都食左碗，也飲了碗胡椒湯，真係好值得試。

前菜的芝士，凍肉，沙律全部都好精美，仲要係不停refill ，經常係完整排場，愛吃前菜的人一定會喜歡呢個安排。

燩湯從來都係不能錯過的項目，今晚係冬瓜螺頭燩豬展，又係非常甜美，有火喉又足料，又係不可錯過的項目。

熟食也有不少，最好的應該是原條三文魚配多種不同的醬汁，另外炒飯炒麵也出奇地好。

牛扒從來不是可以錯過的，佢切牛程度比得上深圳的八合里，仲有佢多啲黎密啲手，好快有大大件上場，令你不會吃到放足一晚，因此牛扒水準極強。

最後吃到甜品，美侖美奐是常識吧，朋友拿了一碟回來吃，我吃得太多澱粉，不能吃到甜品的好了，就如今晚同桌的兩位美女，剩係睇甜甜的樣子也夠了。

希望下次不會是十年後再來，再重新認識萬麗海景的餐廳，排場都非常吸引，特別是滿福樓，為什麼之前從來沒有太注意這裡呢，不打緊，現在也不遲呢。

萬麗咖啡室 

灣仔港灣道1號香港萬麗海景酒店閣樓