2021年11月8日星期一

沙田18: 大師級套餐

我應該有三四年冇去過嘅沙田18,知道呢排有總廚何振雄師傅推出嘅大師級套餐,點會唔去。當然係食呢個餐嘅同時,都會好貪心想食埋呢個堂弄玫瑰露叉燒豬油撈飯。
加上蔥油撈過嘅飯,用上永利威玫瑰露係你面前即場燒俾你睇,成個房都香氣撲鼻,然後你想點切就點切,厚切又得薄切又得。
識食一定係厚切,再要燶邊,加埋啖飯,叔叔不行了。
回味嘅同時,都係講返正題,大師級套餐都好出色,一齊睇吓有咩食。
前菜有燒青椒醬拌鮑魚茄子,青椒醬嘅味道非常突出,鮑魚茄子兩個完全唔同嘅配搭,原來又幾夾,酸酸地好開胃。
麻醬拌菠菜,個樣你會覺得麻麻,因為太過多麻醬,不過食落去又幾正,有少少芥茉油令成件事,好食好多。
小蘿蔔乾珍珠貝燉肉汁湯,應該冇乜人會試過呢個咁特別嘅湯,上邊好似有一層膜咁,入邊有珍珠貝同小蘿蔔,勁鮮甜,底有勁多肉醉,師傅用肉來起筋剁碎,連珍珠貝及小蘿蔔乾燉足三個半小時,鮮味濃香,一定食到勁飽。
主菜先上自製黄皮醬焗鱈魚,當造勁短的黃皮果肉,我未試過,原來個味咁特別,何師傅用黃皮果肉天然蜂蜜煮過後,搭配了鱈魚,強烈的魚油同黃豆香叫人又係想食多幾件。
  辣椒餅四角豆炒龍躉扣,講真冇乜地方可以食到魚扣,呢度仲要係龍躉扣,上次食已經係喺土瓜灣炭爐打邊爐店食到,一條龍躉二十公斤就有大約十四両扣,件件都咁好食,仲要有自家嘅辣椒餅炒,味道複雜而又紛陳,豆椒,紫蘇,蒜頭,辣椒,酒整嘅辣椒餅味道絕對令人難以忘懷。
最好食除咗係扣之外,仲有來自海南島嘅四角豆,平時出邊真係好少見,難得食到,絕對係我嘅菜類最愛list。
C先生很愛呢個香茅扣牛尾煲,的確以香茅扣牛真係一個幾特別嘅選擇,平日通常都係紅酒煮冇乜特別,原來食牛都可以咁清新,香茅味唔會勁濃,但有絲絲的香氣,以赤味噌及白味噌做base的醬汁,以及番茄、紅葱頭等香料煲約四小時,你就知道有幾好食。
泉水菱角淮山煲菜薳又係大驚喜,遲菜心係重點,原來而家勁流行,阿爸番屋企話我知行過街市應該一定聽過,菱角、淮山同日本嚟嘅番薯同個泉水湯好夾,清新得來好味又有層次同鮮甜。
油雞樅菌瑤柱啫飯,你以為係普通野,食落去有一軟一硬嘅口感,加上瑤柱同自製菌醬,無錯又係自制,你話係唔係過份去好,講口感呢個直頭係贏哂。煲仔熱辣辣地盛上,粒粒分明,底下飯焦香,好得,可惜有豬油撈飯係後面,唔夠膽太飽。
尾聲的堂弄玫瑰露叉燒豬油撈飯,唔使多講,開頭都講晒,一定要食,記住要VIP房, 仲要6人以上先有得食。
甜品食左幾個,紅棗大福酥,石榴椰子雪葩同南北杏辣椒朱古力蛋糕等等,紅棗大福酥絕對係大驚喜,辣椒朱古力蛋糕睇名都知道有幾特別,基本上甜品係可以寫一篇文,不過,而寫到呢到寫少少就算,因為無乜理由唔去,甜品你可能寫得叻過我。
我想十二月再食下,大家有冇興趣?


沙田18 更改 沙田澤祥街18號沙田凱悅酒店4樓

沒有留言:

發佈留言