鮨燐:傳統

上次同三位男士食lunch，今晚終於再黎到啦。立師傅唔係咁容易約，睇完有興趣記得要做野。

三顧草廬都約唔到師傅，好彩今次有朋友幫我book。

當晚五個人，包了個房間，因工作遲到，但幸好立師傅都安排周到。

呢間餐廳食個都知道主要都係走傳統路線，唔會搞好多好花巧嘅方式動作。前菜幾款唔多講啦，講番重點。

今年第一次吃秋刀魚刺身，有人話未夠肥，我覺得如今年未食過我會收貨，油脂豐潤得來肉質都很肥美，可惜遲到，食唔到師傅剛剛做的秋刀魚手卷。

寒獅魚腩呢排勁hit，係群組有熱烈討論，加上野生油甘魚的刺身兩食，火炙過後加上柚子胡椒醬，香氣撲鼻，非常impressive。

中拖羅刺身，來自庵尾大島，好少聽拖羅來自那邊，好吃就是了。

火炙過的吞拿魚骹位 ，在你面前燒過後配上脆薄的紫菜，那個油香魚香，不得了。

中間送上的一個壺燒粒貝，原來倒出來係個勁熱辣辣的菇湯，飲落去非常窩心，濃濃的密度加上大隻鮮甜的粒貝，好得。

壽司開始，先上的深海池魚壽司，傳統嘅壽司加上傳統嘅手法，正。

石垣貝壽司，加上點鹽來吃，師傅拍打石恒貝後嘅彈性，好精彩。

沖繩花竹蝦壽司，火炙過的蝦膏加入壽司飯，呢個係我每次食阿媽家姐最享受嘅一件壽司。

一排嘅北海道馬糞海膽，真係想成排食，呢度唔會話叫你用手食或者整到成個堆填區咁叫你打卡，有嘅就只有傳統加紫菜，就係美味。

北海道赤睦鯛壽司，相對少見，呢種魚嘅味道都幾特別，又為我嘅壽司字典裏面添多一員。

除咗沙甸魚同秋刀之外，我個人最喜歡就係銀鱈魚，北海道銀鱈魚壽司，油脂油香不用多說，直頭想encore。

尾聲的中卷，每個師傅處理都會不同，呢度係比較傳統嘅中卷，唔會話要你食到好飽，或者用上一啲唔同嘅料令到你食到飽到嘔，食完就係剛剛好。

聽朋友講，呢度嘅和食都好不錯，今日食嘅係牛面頰。其實味道係唔錯，只不過去到呢個位我已經冇乜感覺，而且聽佢介紹原來新嘅和食師傅非常多點子，佢講咗幾樣嘢食都好吸引，留名下次跟進。

未飽的我們還可以吃多個味噌湯或素麵，我吃了素麵，湯底用木魚花，鰹魚來整個湯底，甜到不行，而且嗰個腐皮好鮮甜，成個麵同壽司一樣咁驚喜。

甜品係抹茶奶凍，都係師傅自家整，用上北海道3.6特濃牛乳，加椰絲後有淡淡椰子香，基本上結尾都非常之有誠意。

聽佢講而家約晚餐都唔算好難約，一個月啦，哈哈，當然係周末時間，求其邊間都咁full，無計，香港人太愛omakase了。

鮨燐 尖沙咀中間道15號H ZentreUG樓1號舖