酒店三部曲 (2)- 中年維得的煩惱

對我黎講，今日又係新嘅一日。一年前，也是新的一天，因為我初來到現在工作地方，那時候，是老闆A，由A老闆換到老闆E是一年未夠的時候，今天，是新老闆E上任的一天，本身個多月前約食自助餐的我煩惱到不行，無奈只好盡快搞點手頭上的工作便立即放工奔去吃這個說好的自助餐。

吃這店的原因，源於上次的賭局，別人請我吃了自助餐，禮尚往來，我當然要請番客，看過了幾個食家都介紹這裡的海鮮是出色等很，上次吃得快樂到死的我們當然要選又平又靚的地方來吃吧。今次我請，仲要遲到，雖然自己好似少年維得般充滿煩惱，但我已是中年，煩惱的是工作工作和工作，或者，唯有吃才可以減壓，一定要食到夠本。

這裡一個星期每晚都有不同的主題，星期一到星期七，有龍蝦有三文魚有蠔有帶子有蟹，今晚的主題係蟹，其點題菜式，當然不能放過，麵包蟹係主角中最多人吃的，啖啖蟹肉，不過如果拆得冇咁散，應該食到更開心。

蟹肉餅乾，日本芥茉蟹肉配木瓜，蟹肉栗米青瓜沙律，蟹肉釀蕃茄，全都是用蟹為主的心思菜式，最正係全部都有蟹貫穿主題，仲要有令你開胃的作用，就算你唔肚餓，或者像我心情不佳，又或者像少年維得充滿感情煩惱，相信吃完都像回魂一樣，大吃一番。

生蠔也是源源不絕供應的項目，生蠔大隻肥美，我吃到已懶理佢係乜國家乜款式，強烈海水的豐富口感，即開即攞，本身佢係隱藏係壽司counter後面，好難發覺，不過對美食極有靈敏觸覺的我，兩下便看到那counter了，不過，臨走時發覺宵夜時段全部生蠔放哂出黎仲震撼，我立即想book時間再過黎同細路食過，因為百多元已經可以任食，像我弟弟還在發育，一定食兩打，真係抵到冇朋友。

海鮮櫃裡的海鮮有最令我驚喜的龍蝦仔，老實說，從來冇一間酒店自助餐我吃過龍蝦仔係好食，可能大陸之前新聞令我有偏見，不過這裡的肉質鮮嫩，味道更勝龍蝦，海水味鹹度十足，突然覺得如果用蒜蓉蒸黎食可能效果更佳。

酒店自助餐又點少得青口，海蝦和蟹腳這些穩膽，全部你去行幾多次都有refill，青口雖然不是太大隻，但小巧玲瓏，隻隻都新鮮，海蝦係正常的大小，全部蝦頭有膏，蝦肉爽口有致。蟹腳也不錯，不過略微瘦左少少，就好似呂慧儀咁，肥美點會好一些，不過人地已為人妻，現在只有這些蟹腳還在為我們提供視覺味覺的娛樂。

魚生有多種，我叫了喜歡那幾種，鮑魚片較少見，鮮甜大塊。呑拿魚雖然色澤不較光澤，不過吃落肉質甜美，甜蝦雖然細細隻，也沒有太重的雪藏味，絕對新鮮，另外的魚生看似不錯，種類也是比平時的款式較多，但要保持戰鬥力，不能吃太多，寧願食蠔好過。

壽司有好幾種，最好味係鰻魚，肥美多汁，蝦肉，螺肉同蟹籽都有一定水準。

沙律吧都非常完善，我特別喜歡勁多蔬菜類，喜歡佢由頭食到尾都有，栗米，蘑菇，多種不同的沙律菜，喜歡幾時食都有，唔似一啲自助餐八點後沙律吧已經好似冇左咁。

熟海鮮有大大隻嘅龍蝦鉗，用薑蔥炒的龍蝦鉗簡簡單單已入味，而且全部都好似拳頭咁大嘅size，唔打得都睇得。

蒜蓉粉絲煮扇貝，發現到有呢個餸那刻想大叫，我完全想成籠攞番去食，粉絲，蒜蓉，豉油的比例是剛剛好，粉絲的煙韌度和剛剛煮好的扇貝係天生一對，吃了六隻，又係回本之作。

泰式咖哩蟹，咖哩味很強，搶了蟹肉應該有的鮮味，不過多件蟹都啖啖肉，加上蟹蓋都有蟹膏，不過剛才麵包蟹好像吸引好多。

辣辣地，最好喝果汁，加三十八蚊就有汽水，啤酒，果汁任飲，來杯西柚汁，開胃又健康，連有氣礦泉水都可以飲，的確令人欣喜。

是日例湯有川貝燩鱷魚肉，每碗都係一壺壺用幾個鍾頭老火燩出來，非常足料，飲落下去非常甘甜，絕對飲兩壼都值回票價。

另一個也是足料的湯係野葛菜羅漢果煲生魚，足料到驚，飲到一肚水都繼續飲。

熟食方面，隱陣之作一定係西蘭花扒蟹肉，海鮮和蔬菜的平衡飲食之度，西蘭花吸盡蟹的鮮味，絕對好食。

煎蟹餅配蟹籽忌廉汁，特色之作，蟹餅完全係由無數的蟹肉組成，忌廉汁令蟹肉更加香口，不其然吃左兩件。

火腿扒同西冷牛扒也是必點之作，兩者都有水準，不過，人老了，紅肉還是不夠膽吃太多。

我好蠢，每次一定會食那些澱粉質物體，蟹籽海鮮炒飯，每粒炒得乾爽無比，海鮮有蝦有魷魚有帶子應有盡有，不過易飽肚者勿試，好快飽，因為太足料。蒜香辣椒蟹肉炒意粉也是出色水準，意粉剛剛好的質地，不過蟹肉不多，但蒜香味重，如我般愛蒜蓉一定鍾意。

煎龍脷魚配龍蝦汁啖啖肉，配合龍蝦汁係絕新嘗試，大大舊絕對容易好到很飽。

煎雞扒，天婦羅，咖哩薄餅，冷麵都係不錯的選擇，但這裡的海鮮實在太多太多了，基本上沒有太多的空間去食...

開始甜品，haagen dazs雪糕任食是常識，不過人吃我吃，不要多吃，始終不用吃太多。

芝士蛋糕，芝士味道滿瀉，但完全唔會吃到膩，簡單令人滿足。

另外喜歡的係伯爵茶奶凍伴涼粉，樣子精選，涼粉吸盡了伯爵茶的香味，是少見的中式與英式crossover的特別甜品。

酒香櫻桃雲呢嗱朱古力布甸也是較出色之作，朱古力布甸滑得如豆腐舊般，滿佈酒味與櫻桃的夾雜著絲絲的芳香。朱古力咖啡蛋糕，也是濃郁無比，細細舊但充滿著頑強的朱古力味道。

最後來一杯任喝的dilmah earl grey，完滿了今晚的心情，工作幾煩，放工了也是放工，明天又是新一天，還是明天再想吧。

不過，最開心係又搵度間平靚正酒店自助餐，下次同細路再戰，一定食得更多，不過，兩次吃完咁豐富嘅自助餐都好後悔，幾日後，仲要去另一間有名的酒店吃一頓精彩的晚飯，下次再談吧。

Bistro on the Mile

尖沙咀彌敦道50號金域假日酒店1樓