J小姐和我是剛認識的朋友,我們是因爲食才認識, 她是來自飲食界,我勉強當係,不過我沒有生意俾佢做, 佢又唔會幫我宣傳讓我有機會如一些博客一家大細呃飲呃食, 或旅行到外國或酒店出入。
我們只是認識了後大家都幾投契,然後又喜歡食日本野, 於是約出來食下便飯,我們不是在網上認識,不是在牛角食飯。
兩個人食飯,不一定要千幾蚊位,你估個個都要飲幾支sake先傾 到野咩,我們可以有很多東西談,可以說下北韓的危機, 可以談近排有乜餐廳有食,可以講下生意,不過佢唔係幫我散貨( 我冇實質貨要散,要散的應該是一些數量勁多嘅野), 她說是我可以和她談天說地的人之一,當然,這是事實, 起碼不是上網認識然後約出來食飯個隻。
她住九龍,想吃丼飯當然選爆丼屋,不過港女唔排隊,因此,我在o penrice 找新的丼店,我找到了這間,位於太子的極上龍吟。
唔好以為有龍就好出名如龍景軒,這裡是非常親民的價格。
看看餐牌,食物都平,特別係熟食,價錢絕對是新界價, 不過港女都是愛壽司,魚生,刺身,因此,我們選擇了menu中的 丼飯。
價錢由99到299,豐儉由人,你想食乜就食乜,當然, 我地大家心目中都有價,mingle 開男女關係都知道,你和那人吃飯,你心目中會有吃多少的價錢, 不會像那些人,吃左幾錢都不知道而大打出手。
我們不用叫那些綱燒AA二人餐,大家都知道應該吃什麼,我食我, 你食你,然後又交換食下,你唔好想錯我地不吃綱燒AA二人餐而吃 69二人餐,我們只係用上最民主的方式來叫自己愛吃的,說明AA ,大家免卻誤會。
帆立貝,赤蝦丼是我的選擇,坦白說,看到其樣子,都幾失望, 剌身沒有勁新鮮的感覺,不光身,我覺得幾失望。
而份量也是普通,赤蝦一隻,帆立貝幾塊,這樣119我不可以說貴 ,但也只是普通。
帆立貝有厚有薄,不算太平均,但吃下去也是滿有口感的, 我至少吃下去不會撕爛張銀紙,所以可以接受。
但那件赤蝦就普通了,唔特別大隻,又唔特別好食, 如果我們今晚打架,一定係為呢隻蝦而打交。
她點的是貴一點的,我差點以為她忘卻了AA, 諗住我請所以食人食出汗,不過我冇叫那個二百二十元的豐盛丼, 佢為人也不錯,不過當然問下去就知佢係想食呑拿魚和拖羅。
呑拿魚腩盛丼係幾好,不過同樣問題,份量少,而呑拿腩位係幾鮮, 拖羅位就算沒有入口即溶但還是非常美味的, 最重要是加上了層層的金萡,更顯高貴。
奇怪係個飯有好大舊wakabi ,好多配菜,其實好奇怪,就算呑拿魚腩幾好,也只是中等。
兩個飯都幾好,酸度剛好的魚生飯,應該記一功, 而且飯不太多而你又覺得好,是太少魚生嗎?哈哈, 這是個非常具思考空間的問題。
我們兩個幸好來這裡是食餐飯,談下近況,如果有少少愛的懷疑, 我想我們會叫多點魚生,因為我怕失禮,佢會諗應不應該俾錢, 因為驚自己隨便食餐飯就會跟左人番屋企,但當然沒有叫酒, 清醒的情況下,什麼也會很清楚。
當然,蘋果說這羅生門有個結果係最終故事,信不信由你, 好人好者,會發生這件事嗎?我有我的理解, 就如牛角老闆希望他們還是好朋友,不管怎樣,那銀紙就是爛了, 感情沒了就如是沒了,消失於空氣中。
我們沒有動地驚天愛戀過,只有輕輕吃過飯,冇上報紙, 這是我們的羅生門,你信就信,唔信就唔信。
PS我們今天晚飯不是非常美味的燒肉,不用叫酒來送一下, 如果唔係,最後張單一定係酒貴過野食,而最後我們會上頭條, 我會撕毀張銀紙因爲飯未夠好吃,雖然價錢平, 但係如果我對對面的那女人無興趣,我又點會走去叫幾支瀨祭, 唔通我真係好鐘意飲酒咩,飲酒,我係展企飲平好多。
極上龍吟海鮮丼專門店
太子西洋菜南街200號地舖
沒有留言:
發佈留言