2017年5月20日星期六

為了蟹腳來的驚喜

曾經有個偉人說過,香港食海鮮,又平又靚的地方,太多。

其中一個又平又靚,係你冇諗過嘅海港薈。

名正言順,海港薈係海港的其中一間分店,不過位於灣仔這般梳心地段,

亞拉斯加長腳蟹的氣順上場已經感受到,最正係出場總要有煙出,仙女下凡咁,可惜我捕捉不到那刻感覺,不過就像你話,仙女下凡邊有咁易影到。






吃完個前菜當然要飲番個湯,金牛蒡花膠燉響螺,足料夠秤,包你唔會衰十一,你先唔好心邪,意思係唔會衰到夜晚十一點就肚餓,因為剩係吃料靚嘅牛蒡花膠同響螺,已經夠你食到滿足。




然後又係名貴之海鮮,以龍蝦海膽醬為主的焗龍蝦,焗龍蝦當然大件不失霸氣




濃雞湯扣原條海蔘伴加拿大野米,加拿大野米個一part對我來說是一個唔識形容嘅情況,個樣真係非常唔討好,當然,我自己日日都食麥片,其實對於一patpat的東西我已經非常習慣,但呢個真係唔係幾欣賞,我想,你正常俾番伊麵底,或者有個正常的炒飯送下,我會開心好多。




但那條原條海蔘,非常粗壯,女性食應該更比我認識分粗定唔粗,濃雞湯清新扣落去雖然冇平時的濃味,但更吃得出那海蔘的質感,當然前兩晚我寫完條勁大嘅海蔘才想到呢個其實唔係珍寶級,但以個餐嘅價錢來計算,是不錯了。




米皇鮮百合黑雞樅菌浸勝瓜是健康之作,看你口味,我不太明白那個米皇味到底是什麼回事,吃一件半件勝瓜倒是可以的。

大家對呢個餐是都還滿意,不過大家都係食得之人,所以再叫多個a la carte,海港餐廳除了最出名的海鮮外,還有的就是燒鵝,叫一隻我們八個人分,超開心。


點著火來的燒的燒鵝,係海港招牌,點會唔食,最好係燒鵝肉嫩得來完全不羶,鵝皮脆得在口中傳出聲響,當然,唔可以用米芝蓮標準去計,這裡的價錢在那些店只吃到一半也沒有的份量,這刻,我想叫多碗瀨粉。


估不到,為了蟹腳吃的這餐晚飯都係出乎意外,因為本身諗住其求食下便飯,因為我好掛著那些亞拉斯加長腳蟹,但原來,個餐的多元化同燒鵝絕不簡單。




至於燕窩蛋撻配生磨杏仁茶燉蛋白也是水準以上,以這間餐廳,有景又坐得舒服,為了蟹腳來的驚喜,絕對不是你以為去海港系餐廳食便飯咁簡單。

海港薈 
灣仔港灣道25號海港中心3樓

沒有留言:

發佈留言