2017年5月17日星期三

只知道是時候拿著鮮蝦

有些餐廳,和想像中出入滿大的,從fb fanpage,從Instagram,從文字,和自己的感受總會不同。

上星期,從秋田吃過晚飯後,看到這間非常有情調的餐廳,吃的是牛扒和海鮮,加上live band ,暗淡的燈光和浪漫的氣氛,我說我要來試下這些餐廳。

這類講情調的餐廳,一定要識,你身邊總有人用,你不知會不會有天要用,追女氹女係男人永恆的業務。

就如大文豪我的宣言,只知道是時候拿著鮮花,我的宣言,說我愛你都要有好地方,好食物,你估真係愛情飲水飽。

好餐廳不一定要去Sheraton steak house ,如果budget唔多,呢到驟眼睇都幾對辦。

有海鮮有牛扒有酒,呢個無敵組合,就算宅男如我都屬於必勝方程式。


當然,一坐下來,就要搵好野叫,我選了個seafood platter ,唔食得都睇得。



海鮮多,有生蠔,有蜆肉,有翡翠螺,有大蝦,有蟹腳,有青口,每款有兩件以上都只是$398,說真,平到不行,你自己係超級市場都未必呢個價錢。

生蠔冇特別問是那款了,不過細細隻,海水味重,估應該係澳洲。


翡翠螺大隻過大隻佬,冇沙又乾淨,好食。


大蝦雖是雪藏貨色,但以大小來看,佢盡左好食嘅努力,啖啖肉得來,都合格。

蟹腳是不錯,反而略嫌太小了,蟹腳的海水味和如果你同女人求婚時的涙水一樣鹹。


青口最冇特別性格,但大隻又夠厚肉。


蜆肉就鮮甜得很,小巧得來是海鮮當中的精品。

由於太夜放工,冇乜胃口,海鮮都把我吃飽了,然後我們叫了Twins prawn Linguine就算了。


意粉的味道沒有太多特別,我絕對覺得可以煮得更好。


Twins prawn Linguine的大蝦大大隻,那個蝦點著了濃厚的蕃茄汁和肉醬,蝦肉爽口而有彈性,同頭先的大蝦對比,如果剛剛的是兩個人冷淡了的感情,這隻蝦就是剛剛拍拖的激情和熱烈,可以關起門一日一夜的情熱,講到咁,你自然感受到隻蝦幾好食。


當然,如果對著一個只是你心儀的女孩,你可以唱著大文豪的歌,"只知道是時候拿著鮮蝦",將我這比喻告訴她,直接了當,愛要說出口,你說你的愛就好比這鮮蝦的熱烈和激情,我想那新鮮感,不會比丸龜收購了勿演十小辣的創新為少。

Knutsford Steak Chop & Oyster Bar 
尖沙咀諾士佛臺15號金巴利廣場3樓

沒有留言:

發佈留言