剛剛吃完蜀客不久，J先生約我吃了一餐非常精彩的辣局。
上次介紹係九龍區K11 Musea，今次係香港區銅鑼灣V Point，名字叫川粵時光。
如果你去過這座大廈，你自然知道有不少餐廳都有靚景，之前有來自台北的麻神，今次有本土的餐廳。
呢間餐廳光猛得多，餐廳新得不能再新，裝修都非常貴氣，吊燈好搶眼，不過最重點係來自三希樓嘅廚顧師傅，剩係呢幾個原因，都夠愛辣之人來試下。
先吃前菜，己經非常全面，多種不同的選擇，一定中你合味，酸辣魚皮、口水雞、蒜泥白肉、夫妻肺片、青椒皮蛋，由於入門級別，最辣反而係爽爽嘅酸辣魚皮，口水雞都算有辣度但雞勁滑，蒜泥白肉的蒜香夠重，青椒皮蛋嘅濃度送紅酒一流。
唔開紅酒，真係對唔住自己。
老實講，剩係食前菜都夠哂豐富。
第二上場係水煮桂花魚，那桂花魚件件夠滑，辣勁不會叫你接受不了，當然最重要係有寬粉係桂花魚內，吸盡水煮嘅香味和辣味。
從來都好喜歡川芎天麻來煲湯，川芎天麻燩魚頭，去頭風一流，這個絕對是冬日最好嘅湯品。
我特別愛香鍋肥腸，夠肥夠辣夠惹味，送啤酒絕對一流。
另外一種送啤酒非常都非比尋常好的霸王辣子雞，雞粒好細粒，吃完都不會有罪惡感。
馳名川式樟茶鴨用上馳名呢個形容詞絕對冇錯，雖然前半部份大部份食物的水準都高，但係唔會令人有什麼感覺和深刻印象，那樟茶香絕對夠濃夠香，那帶smoky的味好迷人，差不多全隻的鴨，份量十分足，是必點的菜式。
旁邊的小饅頭，食完我哋覺得好正，之後再叫多客炸饅頭，原來仲正。
極品毛血旺，鴨血水魷都夠香夠惹火，又係一個好好送酒作品。
豉油皇海中蝦，係咁多個菜式之中，算係最簡單，不過都睇得到師傅廚藝，蝦爽口彈牙，蝦頭仲要勁多膏。
另一我最愛係野山椒蒸蟶子皇，蟶子皇蒸得正好，野山椒係微辣和香之間，還有蒜蓉的加持，更加搶鏡。
吃完大魚大肉，當然要清下腸胃，酸辣土豆絲和清炒萵筍，各有愛好者，我一定愛死清炒萵筍。
另一迷人之作四川擔擔麵，這個絕對是打從心底嘅辣，不太強的花生醬味，是四川濃烈的標準，擔擔麵條條的彈牙，更令我加佢分。
紅糖冰粉和紅糖糍粑相對無乜特別，可能我本身不太喜歡甜品的關係，又或者剛才的食物已經令我很滿足的關係，我也沒有特別的感覺。
或者因為紅酒加啤酒的關係，令我有少少醉意，加上呢度仲可以唱K，個個都走去搶mic，甜品都冇理了。
席上其中一位唱了儂本多情，”情愛就好像一串夢，夢境生於意念中”，還記得那歌聲之深刻，之後就傳來黎小田的離世消息，才更感受到好時光得來不易。
做人，原來活在當下更重要，常說辣是一種痛，吃一口辣更感受到人生，於是這晚的時光更加深刻。
沒有留言:
發佈留言