2020年1月27日星期一

Vibe the place: 我們與正能量的距離


通常係最寧靜的初三,大部分人都不會去派年,朋友都會去郊遊行下大運,或者係屋企休息一日。


特別呢個新年,政府搞出來的社會分裂,新型冠狀病毒,今天剛剛收到巨星的噩耗,好像社會的氣氛總是一片愁雲慘霧,沒有了新春氣氛的喜氣洋洋。

初三早上在家靜靜飲杯咖啡,不想看新聞類那所謂衛生署局長的廢話,關了電視,氣結之時,需要點寧靜,休息一下,令我想起前排去左一間以禪為主題嘅咖啡店。

我相信香港人而家非常適合,因為我們都需要正能量。

認識這間店全因見到朋友飲咖啡飲得勁禪,到底係乜嘢一回事?

頌鉢可能見得多,第一次連繫落飲食,以個人能量輸送到飲品內,好玄,對嗎?就係呢一點吸引到過嚟呢度。

這間位於西環的cafe,一入到去已經非常舒適,就如店方話,萬物都係有磁場,呢度就有一個舒適嘅正流量,一入到黎已經好溫暖,好悠閒,好適合下午來這裏飲杯咖啡食個飯,放空一下。

這裡有很多花茶和咖啡的選擇,當日我地四個人,可以選多點不同口味,選了Dancing butterfly/Tutsi harmony/Verbena booster /Romantic rose ,每隻都有好強烈嘅個性,當中最喜歡Romantic rose ,那種酸香,好開胃,橙味勁fruit,好配合呢間餐廳嘅風格。

Tutsi harmony就係有舒緩減壓的作用,有絲絲薑和桃的香氣。

Verbena booster已檸檬味為主,主力係清晰思維同增加專注度。

Dancing butterfly就有強勁的雲呢拿香,代表insight and wisdom





四種茶都各自有各自嘅特性,還有其他的選擇,可以自己選擇自己喜愛的。



每個人可以先試試茶唔同嘅味道,再放入頌鉢,用店方提供嘅器具,將自己嘅力量輸進茶入邊,你可以感受到茶同剛剛飲之後嘅分別。




我自己試過,整體感覺的確有不同。

剩係呢個咁特別嘅體驗,我覺得已經值回票價。

再加上呢間餐廳裏邊嘅坐位大部份嘅以樟木為主,又係以提供正能量釋放負能量為目標,坐上去就為你釋放負能量,整個經驗都令人感到好舒適,而且有特色。



食物方面,呢度嘅主餐全部都已一jar形式來俾客人,好特別同好搶眼,不過食物選擇就不算太多,我吃了椰汁咖喱海鮮,海鮮的選擇頗多,椰汁咖喱非常之香,送飯一流,而且這裏還有健康嘅印度米提供,吃咖喱的話一定不要錯過。



慢燩韓式雞肉,又係另一要讚嘅作品,韓式雞肉當然少不得泡葉,個種微辣慢慢滲透出來,又係偷飯賊。



相對蒸紅鯛魚配柑橘個特色冇咁強,紅鯛魚處理得不錯,柑橘味就不太明顯,不過底嘅菠菜吸收左啲汁就幾好食。


最後的健康樽仔菜麵又係好令人有深刻印象,呢個完全係一個素食,多種不同的菜麵,吃不去口感繁複,我個人較為貪心,店菜時加了一點雞絲,感覺更有新氣,記得不要錯過那個清湯,就好像飲菜湯一樣。



吃完後,當然要飲杯咖啡和吃甜品。有兩杯是season的飲品,一杯係紅菜頭玫瑰,另一杯係Gingerbread


紅菜頭玫瑰我飲了一口,非常出色,而且完全不像咖啡,滿滿的紅菜頭鮮香,樣又靚,女士一定喜歡。



Gingerbread相對水準穩定,愛這種味道的人都一定會鍾意。



反而甜品又係全部好靚,當中最出色的係72度朱古力意式芝士蛋糕,那濃烈的朱古力味道,好搶鏡。



相信腸胃系統普通的人一定大愛這個椰子芒果奇亞籽布丁,奇亞籽數量很多,配上椰子芒果味道出奇地夾,吃下去對腸胃一定有幫助。


希臘式乳酪芝士蛋糕和朱古力牛油果慕絲各有所長,最重要係呢度大部份嘅甜品都唔會一味死甜,吃下去都會感受到呢度嘅食物注重細節位,而且以這個價錢有呢個水準,的確令人吃得滿足。



在這間咖啡廳坐了兩個小時,吃了美味的一餐外,除了是舌頭的滿足,的確心靈也有說不出的滿足感。或者,當你累了而滿滿負能量的時候,來西環飲杯咖啡吃餐飯去拉近和正能量的距離吧。



看完那叫人不戴口罩的八婆今日上電台節目帶返個口罩就好嬲,於是乎立刻想再過來飲杯咖啡,才可將怒氣釋放。

Vibes the place 
薄扶林西營盤第一街112號地舖

沒有留言:

發佈留言