剛剛今天講完一間K11的麵食，又講下K11呢一間不錯的意大利菜。
上次吃過隔離的日本菜，感覺不錯，當晚還看到了鄰居馬先生，剛巧，他帶媽媽行K11 musea。
我常覺得，馬先生的孝順，首屈一指，當然你可以說很多故事告訴我孝順的人多的是，我只知道的是冰山一角。
但要做到咁，唔係咁易，就如溝女，除左有時間，有錢，有耐性，有心機，就如五大訴求，缺一不可。
上次馬先生為左氹媽媽開心，佢帶左媽媽來這間velo，意大利餐就是最適合，地方較cosy又大，你會想起台北的西餐廳。
當然這沒有什麼米芝蓮推薦，但食物不錯，質素高，價錢不算離地，是大眾化的選擇，行開這個商場，食個飯，絕對係好選擇。
於是這個晚上和朋友選了這𥚃，前排K11受到影響，經常開唔到，而家人流回復正常，想食訂位會好少少。
暖身的麵包不錯，來得就不要錯過。
Carpaccio di Manzo Beef carpaccio, rocket salad, shaved parmesan, mustard dressing，這個⽣牛肉薄片配火箭菜沙律先上場，當然無得錯，加上紅酒的點綴，不得不說好。
再來的是Burrata e Pomodorini e Prosciutto di Parma Creamy burrata, cherry tomato, basil, Parma ham布拉塔芝士較強烈配合巴馬火腿沙律也是一個不錯的體驗，建議加多點basil，化學作用更強烈。
來自法國的Gillardeau 海水味強，蠔的強鐵銹味在口腔裡環繞四周，雖然不是大隻肥美的品種，但絕對過癮。
Crema di Funghi e Tartufo Nero Wild mushrooms, black truffle cappuccino soup自從上次在台北吃過我飲過最濃的黑松露湯後，不過要小心，太濃太足料，因此好易飽，如不多人，你唔好叫一人一碗，唔係飽到傻，黑松露野菌湯絕對好濃得來香氣撲鼻，叫人一飲便覺深刻。
Spaghetti all’Astice 讚的是這個波⼠頓龍蝦蕃茄意粉絕對做得出色，龍蝦彈牙較新鮮，蕃茄汁的濃度就和意粉纏綿得很，只不過是價錢不算平，如果唔係食多碟都得。
`
越來越流行的斧頭扒也當然提供，價錢也不貴，你自由燒都唔得，仲要有極靚仔嘅幫你分，枱上靚女都覺得震撼，當然還有不同的side，有薯仔和菠菜等，舒緩牛扒油香。
Pizza Salamino Piccante 以意式辣肉腸為主角的薄餅，絕對係呢度主菜，薄身的薄餅不會覺得吃得膩，又不會太鹹。
甜品各有各選，但大部分都好精美，我最愛Tiramisù，意大利菜最叻手，無人反對吧。
就如馬先生的孝順，無人會反對。
沒有留言:
發佈留言