記得十和田壽司剛剛開嘅時候，我來吃過一次食午餐。
午餐百幾蚊就有好多種唔同嘅壽司拼盤俾你選擇，於是呢，呢個下午突然間壽司癮發就要食下，喺最多壽司店嘅金馬倫道求其揀一間吧。
特別係呢排身邊好流行食八爪魚同墨魚，諗起呢度特別有一個壽司叫做八爪魚吸嘴，二話不說，就十和田吧。
冇咁有心機日日出去排壽司郎，雖然有得YouTube排隊，但我都真係冇咁神心攞飛，平靚正都無我份。
上次試過對面嘅立食店鮨廷都算平靚正，今次因想食八爪魚吸嘴回歸十和田。
火炙壽司拼盤，$108有五件，當中最值回票價係火灸左口魚，燒得美味無比。
火炙墨魚都好得，喺舌頭都食到個個火炙香。
火炙三文魚，呑拿魚和蝦也不錯，水準正常。
三文魚三味壽司，$38.00三件，較平又算質素好，最推薦係火炙壽司，普遍來講，個三文魚都係好肥美。
一人一件火炙芝士蝦 ，美中不足係非常細件，不過燒過的芝士強而有力，拯救左成件壽司嘅味道。
最晴天霹靂嘅係我，本來好想黎食八爪魚吸嘴，但無貨。
退而求其次，點了季節墨魚，墨魚好Fresh好新鮮，加上較濃味醋飯，乜都唔點，最鮮甜。
當然要點蟹膏 ，一件$28.00，正常價，跟對面嘅立食店差不多，但差不多價錢之外，呢度有得舒舒服服坐喺度食。
唔夠好係個紫菜太淋身，但係以呢個價錢，我唔會投訴。
老婆不好食呑拿魚，我自已吃吧，醬油吞拿魚，醬油夠濃，呢個我覺得幾好食，醬油做得不錯。
每人$150，過下癮，要食日本野唔使下下去廚師發辦嘅。
你估個個好似我個朋友咁有錢食靚壽司咩。
沒有留言:
發佈留言