雖然疫情關係，今年大家都冇得飛，經濟又唔好，但大家留港也可以找到不少去唔到旅行嘅安慰。
繼Isaac Toast早餐狂熱之後，市場又開咗唔少韓式吐司熱，熱愛首爾嘅朋友話我知原來而家市場又唔興食吐司啦，皆因喺韓國果汁連鎖店No 1嘅JUICY落戶香港首間分店進駐香港中環站，特別係呢個熱到爆夏天，最適合飲冰涼嘅果汁，帶起了健康嘅果汁熱。
為食又鍾意飲果汁嘅我，知道開咗門之後搭地鐵經過當然去睇呀。
香港店同韓國分店一樣用最新鮮嘅生果即叫即整，而且平時喺中環地鐵站嘅價格都係偏貴，呢度嘅價錢非常相宜合理，難怪星期五當晚見到好多人，你冇諗過原來香港人對果汁呢啲咁健康嘅嘢，都咁有興趣。
當晚試咗幾款唔同嘅嘢。第一樣，最fancy嘅一定係個草莓拿鐵，少女心一定最愛呢杯，拿鐵其實係沙冰，加上了明治牛奶，口感細滑，再加上滿滿的cream，你睇個樣以為會好甜，但係入口感覺非常健康又舒服，好飲。
呢度嘅果汁選擇就非常多，基本上好多種唔同類型嘅生果都有，只要揀你最愛嘅生果就得。
當晚朋友就揀咗芒果草莓，兩種生果都含有極高嘅維他命C，啱晒而家抗疫用，最重要係入口你食到啖啖嘅果肉，呢個真係未喺出邊嘅果汁店試過咁多果肉，同食芒果布甸差唔
多。
朋友叫咗杯藍莓奶，我試左一口，呢個同平時早餐食嘅藍莓乳酪非常相似，但係呢度新鮮好多同埋Fresh好多，而且又唔會過酸，非常重果香，而且又唔會太強奶味。
最後一定要推介牛油果香蕉奶，我外帶咗一杯俾我老婆，愛牛油果嘅佢愛不惜手，牛油果嘅營養價值真係唔使講，佢啖啖都係好似食緊牛油果一樣，加上了香蕉奶，入口嘅細滑同濃度都好強，難怪這個是no 1最強產品。
最特別嘅應該係呢度有全港首創嘅熱飲果汁，如果你不愛凍飲但係又想飲果汁嘅話，呢度就有個健康嘅選擇俾你。
聽返呢度嘅店員講，果汁嘅營養及纖維係高於190度嘅時候就會俾人破壞 ，但係呢度嘅果汁以咖啡加熱器加到攝氏40度至70度，果汁保存到營養之餘，俾到怕飲凍飲嘅女士一個佳音，當日我試咗熱西柚汁，應該係最有新鮮感同未見過嘅樣，係呢間店最有價值嘅產品之一。
當然呢度唔係剩係得果汁飲，還有其他小食，整番個熱狗成件事更完美，而家加$10就有，熱狗有芝士腸同辣肉腸提供，我個人就喜歡後者，好惹味。
同埋如果你係薯片嘅粉絲就一定要食下呢度嘅薯片，三種不同味道，有白松露、西班牙火腿再加檸檬黑椒味，三隻都係坊間好少見嘅選擇，有興趣大家記得唔好錯過。
最重要價錢真係好唔貴，喺中環區，的確係佛心，依家咁熱 ，行過整杯果汁都真係好合理，健康的選擇，係呢個環境，特別重要。
在IG見到將呢個品牌帶來香港係一位靚太，果然呢個都係女士愛美嘅選擇，食正熱潮，一定會大賣。
沒有留言:
發佈留言