無得去日本，我們都只有食返啲嘢尋求心靈慰寂，當正以為自己去日本。
月頭還未有什麼限聚令嘅時候，來過中環的這間夢食過一餐不錯嘅懷石料理，上次食嘅時候，整體感覺都幾好，今次有朋友介紹有新menu，仲有個啱所有女士嘅promotion。
我之前未睇過喱士口罩，阿婆底褲就見過，原來好多女士都鍾意呢個cloud fairies fairymask品牌，佢同夢合作，只要七月份晚上惠顧呢個懷石料理嘅女士們都會有最新設計嘅fiarymask一個，可惜而家暫時未有晚餐提供，希望promotion 會Extend，因為我見老婆個fiarymask真係勁靚，平時一個喱士口罩要成$580，依家惠顧嘅女士都有一個送實在係一個good deal。
而且講真都肯定今年都一定要繼續戴口罩度日，呢個 fiarymask絕對值回票價，女士攞嚟襯下衫絕對一流。
講返當晚嘅嘢食，第一次嚟嘅時候已經都有錯嘅驚喜，今晚師傅更進一步，更加有新鮮感。
前菜係日本無花果啫喱，加上了杞子同菊花，養顏愛美的女士應該非常喜歡，講真食咁多次日本嘢都未食過一個咁養顏嘅前菜，好有創意。
八寸係乜，大部分喜歡吃日本嘢嘅人都知道，呢度八吋嘅特色就係全部都美輪美奐好似一幅畫咁。
講創意同靚一定係呢一個八吋，前菜有枝豆豆腐，蕃薯百合茶更、北海道粟米天婦羅同稚鮎，每人味道都10分出色我最鍾意一定係粟米天婦羅，還有枝豆豆腐。
不過呢個值得欣賞嘅依然係擺盤，當晚我覺得最靚嘅一定係自己嗰份。
上次已經試過呢度嘅三色米紙，配上牡丹蝦他他，法國魚子醬和三種唔同色嘅三色米紙，三種有抹茶、櫻花蝦、粟米，三色米紙係自家造的，個人愛櫻花蝦，帶出牡丹蝦他他的鮮味，抹茶就和魚子醬就出奇地夾。
另外三種刺身有鱆红魚薄切，拖羅同BB銀鱈魚，基本上後面兩個都有無限油香，嗰種好味都唔使點樣特別形容，銀鱈魚刺身係香港都非常少見，不錯。拖羅當然係做返佢適當嘅本份，鱆红魚薄切係呢個強陣容相對就較為失色。
然後另一個主角北海道遼參就真係必食之品，遼參釀左龍蝦肉，伊勢海老又點會令你失望，爽到想一條原整呑下去，加上了那個又清又甜到不行嘅湯，好容易就成為左今晚最好嘅菜式之一。
當晚肚唔係太舒服，呢一個慢煮鮑魚我沒有食，俾左朋友食，朋友評價話不錯，而且佢個鮑魚干醬真係好似好正。
用上法式龍蝦醬汁來做的甘鯛脆鱗，我也告辭了，送給了我愛吃魚的太太，以愛魚人嘅Standard，都話幾好食。
我反而留守最後嘅力食呢個法國黑松露risotto，上次嚟呢度已經食過一次，今次嘅味道完全一樣，而且亦都冇走樣。用北海道嘅糯米註定係淡淡煙韌，而且黑松露香貫穿成個飯，絕對是不能錯過的主食。
尾聲嘅湯都唔係省油嘅燈。
京都宇治抹茶奶凍，用上北海道3.6牛乳同日本黑豆，又點會有錯。
再訪這裡的懷石料理，依然沒有走樣，今次仲有口罩送，更加大大增加佢嘅吸引力，而且佢個懷石料理同第一次係食材同埋選擇方面都advance左，值得推介。
有機會可以同呢度嘅主廚傾吓計，又靚仔又好傾，可惜今次冇坐吧枱，如果唔係應該交流可以多啲。
沒有留言:
發佈留言