大家投左票未呀?如果你係土瓜灣區,又行經下路,不妨來到呢個貴記荳品,呢度附近都有一個投票站。
貴記荳品呢排好Hit嘅原因係因為又係打告別嘅主題 ,7月31號又關門大吉。
呢間有60年歷史嘅豆品鋪頭,主力買腐乳、豆腐花和豆漿。
呢條街的確乜嘢都冇,全部都係車房或者工業區,街道另一個熱點,就係對面另一個票站土瓜灣故事館。
因此如果你想過嚟投票,順便可以朝聖。
一人一碗豆腐花,只係六元,有熱有凍你選擇 ,滑到就咁可以滑入喉嚨。
豆腐花滑到不得了,只有黃糖供應,沒有糖水,熱嘅就會用細湯碗上,凍嘅豆腐花就會用塑膠。
大大支嘅豆漿都只係$21,講真呢啲咁嘅價錢應該唔會再見得到,足足1.5L。
如果你係熱愛腐乳嘅粉絲,我建議你買一樽帶回家,聽朋友講都幾好食,而且價錢仲要一啲都唔貴。
舖頭因為都有六十幾年歷史,其實就係唔係太乾淨,我自己鼻敏感入到去個鼻都唔係咁舒服,不過,講真呢啲舖頭,一過左就會錯過了,趁佢還未關門嘅時間 ,就感受下香港嘅舊歷史吧。
另外一個要讚嘅係鋪頭嘅工作人員,全部都係一家人,個個都好有人情味,我哋臨走時仲叫我地要洗下手先走,保持個人衛生,今時今日嘅服務態度,已經唔多?
熱愛豆品嘅朋友,即管嚟朝聖下呢個腐乳之霸吧。
貴記荳品
土瓜灣鴻福街15號
沒有留言:
發佈留言