懶人腔的海膽癮

夏天，應該是出海的好季節，海上活動當然唔少得。

香港幾多大大小小的活動，吊下墨魚，去下船P，出海探名勝睇島等等，要玩多的是。

這通通都去過，反而彷間的什麼食海膽團，我一次也沒有試過。

特別成日好多去塔門食海膽宴，那邊廂西貢又有得食，可惜我一次都未食過，經常想去可惜時間，人物，機會缺一不可。

然後有一天，看到佳佳附近有間海膽燒，九點幾的星期六晚還是門庭若市，於是那個海膽癮又發作，你可能會懶搞個旅行團去搭門和西貢，但當你係市區的餐廳門口可以吃到類似海膽宴的鮮味，你冇理由拒絕。

於是吃飽都坐底試吃一下。

大熱天，真係唔係好想排隊，不過可以唔駛排隊即刻坐，我不用考慮便坐底了。

大概，懶人腔的極致，就係唔駛等唔駛煩唔駛搞就可以吃到想起已久的塔門海膽，絕對值得熱少少。

由於吃飽了的關係，今晚只是想試吃幾樣東西，如果味道不錯，下次可以叫朋友擇日重賽。

特色海膽類的菜式，先來個海膽焗多士，它的樣子告訴你佢不是求其的產品，吃下去多士邊脆得清脆，海膽一大淡在多士上面，混上芝士，如果早餐要食得豐盛點，我會首選這個海膽焗多士。

熱辣辣點可以冇飲品，真係好想飲塔門有名的樽仔奶茶和紫貝天葵，可惜兩樣都冇貨，只能喝汽水。

要嘗一下非海膽的海鮮菜式，試吃了不會飽肚的辣酒煮花螺，辣味充裕，花螺每隻都勁入味，唯價錢貴了少少。

海膽汁燒翠玉瓜，清新的燒翠玉瓜適合愛健康人士，但加上了海膽和芝士，似乎這個配搭有不能令人自制的元素，那層海膽令人開胃到不行，厚厚的芝士配海膽送上翠玉瓜原來可以咁好食。

塔門招牌海膽炒飯，我來的目的，因為之前很多去過塔門的人都話海膽炒飯好食，聞名不如見面。

炒飯當然是每粒以足火喉炒底，加上翠玉瓜，蛋花和一大塊的海膽，簡單組合已經是全晚的最好美味。

最重要吃的時候要撈得好均衡，咁樣每淡飯都可以沾上海膽濃厚的氣味，絕對不負所望，老實晚市$98吃過飯，絕對是抵食。

看過餐牌，午餐塔門招牌海膽炒飯只是$68，更加不能錯過，我覺得下午過黎午飯更加化算。

可惜的是我已經吃了一餐晚飯，這個試味滋味絕對叫人有翻吃的慾望，起碼，每樣食物都有一定的水準，而且價錢不貴，怪不得九點多還是要等位等到傻。

如果你是海膽腔，又唔想咁遠去塔門，個人同我一樣有少少懶，過到佐敦，來試一下海膽試，應該唔會錯到去那裡。

我還有其他燒海鮮，串燒，塔門銀針粉，還有那兩杯飲品，我想，我一定會再回來的。

塔門仔海膽燒 Glass Island Sea Urchin BBQ

佐敦寧波街27-31號地下B,C,D舖