係金鐘工作過都知道,十居其九都係高消費的餐廳食肆。
要豐儉由人吃一餐的選擇,最好係食大家樂大快活等等 但食得多都厭。
今天見客經過金鐘,順便和同事食早飯, 而我們另一位朋友又帶了仔女過來和我們一起食飯, 當然要食啲好野。
食太貴唔好,食平又唔得,碰巧附近有間新店,又係中價的日本菜, 叫千羽堂,係翠華旗下新品牌,有品質保證,就試下。
天氣下午還是有點熱,坐底便飲杯野下火, 沖繩黑糖抹茶鮮奶最適合近期的黑糖文化,用上沖繩的黑糖, 靜崗來的綠茶,牛奶,強烈的焦香和滑滑的奶,人人口味不同, 可能你會覺得甜,但怕甜的我卻覺得剛剛好。
最吸晴的係特上雲霧雜錦壽司拼盤,加上了乾冰的效果, 靚到不得了。
多種不同的靚靚壽司,海膽,三文魚腩,左口魚,劍魚,油甘魚, 赤身和牡丹蝦,帆立貝和三文魚籽等等,全部都又靚又好睇又好食, 剩係個樣都值番錢,最喜歡的係海膽和牡丹蝦。
另外的青瓜卷和玉子燒都不錯,小朋友吃最美味。
像我愛飯的就最鐘意蔥爆呑拿魚溫泉蛋丼,爆多的蔥香味甚濃, 加上了很多的呑拿魚,還有滑溜的溫泉蛋,撈下個飯, 簡單的美食就這樣吧。
同行有位小朋友,佢就要食熱野,飛驒和牛漢堡咖哩定食, 咖哩味濃而不辣,飛驒和牛好好食,牛肉味非常重又香, 雖然係漢堡但感覺也不錯,吃到的都是高品質的肉, 好適合小朋友食。
鳗魚櫻花蝦炒飯炒得不錯,雖然不是茶餐廳的火喉, 但以鳗魚和無數的櫻花蝦夾雜的味道絕對新鮮, 加上甘筍和炸蒜和蛋絲,味道更加出色。
新奇的菜式有這個日式鱲魚粥鍋配鱲魚刺身,好奇的關係, 點了來吃。
以蘿蔔,蔥和鱲魚頭來有熬足多個小時,加入日本米煮成粥, 還有秋葵和粟米同不同的菇類,味道鮮甜,仲可以配刺身來吃, 我們選了五色刺身,用上粥底來輕勺一下,更甜更好味。
因為好吃,我們點多一份,配上帶子刺身,又有另一種風味。
簡單的一餐,卻叫人滿足。首先滿足了吃日本菜的慾望, 而且時間不會太久,又快又慳時間,最重要,價錢唔貴, 完全係快狠準的快餐文化,金鐘的朋友們, 絕對是一個尚佳的開飯地點。
沒有留言:
發佈留言