也忘記了有多久沒有來過九龍酒店吃Buffet, 應該都有十年吧, 還記得那個時候餐廳的格局和今天來到的完全不同, 十年人事幾番新,絕對套用到這酒店之中。
今晚來的原因,是由於F先生約食晚飯, 為了吃的是這個韓牛主題。
首先裝修了後的環境優雅得多,我印象中之前的裝修夠光鮮, 但現在的路線就是比較有情調和空間感更十足。
今晚來到當然是為了韓國牛而來。不過當然吃了這麼多次自助餐, 咁耐冇見,都要睇吓有幾吸引,F先生說,朋友吃過,無一不讚。
睇返介紹原來今晚用的係國寶級河東松葉韓牛, 如果你平時喺馬場洞吃開韓牛都知有幾濃, 呢種韓牛簡直青出於藍勝於藍, 牛係由加入了獲得專利之松樹葉酵素飼料餵飼,牛隻更健康和美味。
未吃牛前,先講生蠔,三個不同產地來自美國法國紐西蘭, 當中以美國的華盛頓蠔最大隻,又濃又蠔味重,即開即食,好新鮮。
海鮮方面有翡翠螺,鱈場蟹腳,青口,熟蝦同坊間很少見的三點蟹, 海鮮都算多元化,而且食到九點都仲有貨,源源不絕俾你食。
刺身壽司款式也很多,如果個肚有位的都要試, 特別喜歡火炙類壽司,做得不錯,還有一定要吃厚厚的劍魚腩。
加拿大有骨肉眼,望到都令人垂涎欲滴,味道完全沒有令人失望。
韓式主題方面由韓牛肉到韓式炸雞翼,韓式栗子生果石頭鍋, 韓式鮮蝦薄餅,韓式牛肋骨煲,韓式石鍋拌飯,韓式雜錦海鮮粥, 黑松露韓國牛肉韃靼等等,都非常吸引而且樣樣精, 同之前尖沙咀另一間酒店以韓牛為主題有點不同, 這類菜色更加專業,選擇更多。
全晚最喜歡的一定是韓烤乳豬配泡菜炒飯, 這個由內到外都非常韓國,豬烤得脆而泡菜炒飯勁開胃。
愛韓式照燒牛肉串和韓式餃子,它們都是另一個心得我心的小食。
就算壽司都有加入韓式的元素,這個韓式海苔飯卷,不得不錯過, 和香港區一間出名以韓式飯團為賣點的店舖味道一樣。
其他熱食如清蒸比目魚和百花炆釀鮮冬菇, 你可能會因為樣子不特別吸引而錯過,但都絕不遜色,值得一吃。
照燒一口安格斯牛肉,好似整件牛放左入口般濃味, 點可以唔試幾口。
另外一個回本之作,香煎鴨肝配蘋果蓉,每晚定時推出, 唔食兩份對唔住自己
前菜的清酒燴鮑魚配蟹子青瓜沙律,味道清新,小巧玲瓏又容易食, 食半打也面不改容。
甜品方面,榴槤忌廉蛋糕最深得我心,又靚又好食。芒果拿破崙, 紅桑子朱古力慕絲蛋糕,雲呢拿梳乎厘,北海道牛奶燉蛋白, 應有盡有。
沙律水果呢啲咁普通自助餐必需品,當然不會失禮。
還有兩個特別的甜品,第一個就是火焰雪山,又是限時推出, 一聽到鐘聲記得不要錯過,睇得又食得。
第二個是地道的韓式雪糕脆米餅,新體驗, 大部分香港人應該未吃過這樣的甜品和韓式風味。
甜品連原隻天然原個蜂巢都有, 呢個係我最嘆為觀止吃的自助餐經驗,那個濃烈新鮮的蜜糖, 配上麵包和蛋糕,正。
最好的地方還有這個自助餐很應節,這裡提供了迷你酥皮奶黃月餅, 剛剛中秋來吃自助餐就有得食,最好不過, 不過過了中秋就要等下年了。
如果以一間咁出名的酒店,有咁好的主題, 聽見咁強的海鮮陣容和有珍貴的韓牛做主角,價錢也只是成人一至四 $528,星期五同日$568,星期六同假期前夕$598, 而小朋友就一至四$378,其他時間全天候$398, 係真係好平同好適合一家大細過來食。
如果你是很喜歡韓牛,更加無原因唔過黎, 那個韓牛的味一定叫你回想起馬場洞的美麗回憶。
呢個主題做到11月,仲有好多時間可以食, 如果你未有時間去首爾馬場洞走一轉, 不如過來九龍酒店同韓牛見過面先。
沒有留言:
發佈留言