2018年10月17日星期三

花月庭:松葉蟹柳出沒注意

我女友常常說:為什麼你這樣喜歡帝京花月庭的自助餐。
我說:冇辦法,又靚又平又好食,四個幾五個鐘任食,點會唔去。

基本上有朋友話食自助餐,大班人的選擇又想超值又想舒適又想滿足大部份人的需求,花月庭絕對是不二之選。

好像今天晚上和一班朋友聚餐想吃自助餐,朋友M小姐說有新主題,不如去花月庭食下野。

而最新的自助餐吃的是松葉蟹柳主題,這個較少見的主角但絕對吸引到不少蟹迷的喜愛,身邊的朋友一定舉腳贊成,特別係a先生。

先說基本野,沙律和前菜都是多款式,完全不用擔心有問題。



壽司和刺身呢一類基本野,作為全城最好自助餐之一又點會冇。



黑蒜油黑豚叉燒拉麵絕對是精彩選擇,曾經喺某間大集團的自助餐吃其拉麵,真係嚇親,食一條已經唔想食,呢度嘅拉麵同外面拉麵店不相伯仲,仲有溫泉蛋,好專業。




松葉蟹柳烏冬,每條蟹柳都非常大條,而且那個白汁烏冬非常入味,令人愛不釋手,條條都粗又吸收了那個醬汁,吃得人想瘋掉。


咖喱炒蟹絕對是滋味選擇,有鑊氣有惹味的咖哩,絕對是和那些米芝蓮海鮮店炒的無乜分別。


還有非常豐富的海鮮陣容,例如麵包蟹,生蠔,青口,海鮮等等,基本上都冇乜空閒食,因為個主題已經好多海鮮。








炒青口又係另一個亮點,好有小炒感覺,但比很多賣小炒的大排檔都好吃得多。

加上任你攞的燒龍蝦,呢個又係大賣點。

其他熱葷如牛排,蒸魚,燒味等等也是無一不歡。










加上甜品有成個櫃俾你攞, 當中最喜歡的是這個斑蘭蛋糕和朱古力塔,甜度剛剛好。







最後每一位敬送的北寄貝,包保你可以漲破肚皮才離開。

每一次主題都這樣有新鮮感,你叫我怎麼不愛經常來吃自助餐呢。

不過當然,如果你是松葉蟹柳的粉絲,或者你是海鮮的超級愛好者,這個秋天你必定要過來一試。


花月庭 

旺角太子道西193號帝京酒店2樓

沒有留言:

發佈留言