常歡笑：簡單地吃得哈哈大笑

這天經過中環，在這條街留意到有一間新餐廳。

說不上是餐廳，這裏只有幾個座位，像是主力做外賣的pop up store 咁。

當然這絕對不是pop up store，但吸引我停低腳步的原因，係呢間名叫常歡笑的店舖，原來係一間鮑魚專門店，主力做燉湯和特色小食。

有點肚餓的我加上八卦，一於入去試叫少少野食，試下佢水準如何。

最喜歡吃麵食的我一定係要食麵，話明係鮑魚專門店，當然要試吓鮑魚嘅出品，至尊一級鮑汁蝦子撈麵，又好睇又大碟。

幾十蚊都有細細隻嘅鮑魚送上，加上西蘭花，還有滿佈蝦子的撈麵，條條都彈牙無比，又無任何鹼水味，鮑魚熬過自家扣的醬汁，特別鮮味。

不用五分鐘便吃完。

朋友說看到有幾位客人都同樣買了海南雞飯，應該不會點錯，於是我們一於買多個海南雞飯。

海南雞飯一點也不便宜，雞油飯粒粒靚，仲要有三種不同的醬汁給你點和選擇，然後雞件件件滑得很，又嫩又好食，我們連雞皮也完全消滅。

可能你會覺得$98的海南雞飯會有點貴，但我告訴你佢海南雞飯的質素，絕對令你值得比這個價錢，你食過就知。

小食試了鮑魚燒賣，呢個又係不得了之作品，勁大粒的燒賣加上上面的鮑魚仔，那個肉質係頂級新鮮，本身我會覺得$25有點離地，但原來用上西班牙黑毛豬肉的料日日親手打，仲有紐西蘭的鮑魚，當我吃過其真材實料的質素，我又會想吃多兩粒。

花膠雞湯，不用多說，足料又補身。

意猶未盡，我看見雪櫃裡有非常吸引的甜品，於是點了一個北海道特選牛乳燉花膠。

呢個非常正的補品又滋潤又鮮甜，成舊花膠童叟無欺，你冇諗過係呢啲外賣店有咁足料嘅甜品。

如果我和媽媽或愛美的女士來吃，一定會食到哈哈大笑。

本身我有點不明白這間專門店為什麼要常歡笑，但吃到這裡，我明白了。

常歡笑 

中環威靈頓街18號地下