屈指一算,北海道回來已經足足兩個月。想想才發覺呢兩個月,都冇食過壽司。
以我嘅飲食習慣,都真係幾出奇,畢竟呢個都係其中一樣我最愛嘅comfort food。
原因有兩個,要星期六或日係香港區或尖沙咀訂一啲不錯有名嘅日本omakase,我又冇咁well planned。第二,疫情關係,同屋企人食飯多左,要訂位都寧願訂中菜和西餐,而且優惠咁多,未必會同阿爸阿媽一齊去廚師發辦,加上日本野無劈價,當然為銀包著想。
然後前幾日壽司癮突起,我話:唔得啦,要去食下壽司。
我無心機排壽司朗,幸好而家有好多立呑壽司店,又有好多相對規模細一點的壽司店,要吃不一定只有壽司朗,千両和元氣。
在OpenRice度見到呢間雲壽司,主要係食套餐,當然你也可以單點,最重要價錢真係好平。
當日我哋一人選咗一個$188餐,十二件壽司。如果你細食啲,十件$158便可以,不過,當然十二件化算一點。
由最普通的玉子壽司,到好多種唔同嘅軍艦,再到多種不同的魚類和貝類,再到火灸的種類,基本上都好多元化,以呢個價錢,算係平。
當然每種壽司只可以最多選擇兩件,你唔通食哂最貴魚類食十二件咩。
如果下午你叫呢個set嘅話,總會有前菜沙律和麵豉湯送。
我們各自點了自己鍾意嘅嘢食,老實講呢個價錢你唔會非常有期望,但都唔會令你失望。
呢度嘅火灸做得不錯,左口魚邊同帶子燒過後加上調味都幾好。
幾種魚類例如三文魚、吞拿魚等以呢個價錢來講都幾超值。
軍艦來說,紫菜當然不夠好,但辣味三文魚和芥辣八爪魚味道可接受。
真綢和火炙金線鯛美味得很,係當晚吃過最好的魚類。
油甘魚和池魚也不甘示弱,最多都係輸過馬鼻。
最正的鰻魚壽司,可以說是最大驚喜。
最尾加咗個螢光魷魚,都幾好食。
再澄清,以呢個算平過壽司朗的價錢,我覺得可以接受,不是好好食,只能說以這個價錢,我冇嘢好投訴。
呢度又有得坐,又唔使係立呑和排隊之間,俾你選擇的多一個空間。
沒有留言:
發佈留言