2020年5月1日星期五

Press the button coffee:全城咖啡熱

當尋日全城都等住中環Blue bottle coffee開張,香港嘅型男索女文青都磨拳擦掌要去打卡之際,你有冇湊去下熱鬧?

有人七點幾起身去排隊等飲呢杯咖啡,我選擇起身食晏後,去咗深水埗大南街。

尋晚睇咗一篇文,講喺呢度發跡嘅第一間發咖啡店, Cafe Sausalito ,五年前開店,別人都笑佢哋傻,有乜理由深水埗一條買布嘅街會同文青和咖啡拉上關係。

呢五年間,超過六間嘅咖啡店相繼進駐附近,coffee matters/openground/Phvlo watch 等等,選擇多到不得了。

今日嘅下午,基本上每間咖啡店都充斥着人流。

去咗四間都無位,反而最後經過新開嘅Press the button coffee,由於只係得企位同試業中,人相對較少,於是便停低落嚟止吓咖啡癮。


店裏面又係充滿文清氣息,個個揸住Fuji相機,一身文青打扮,呢個女仔為杯咖啡喺度打卡,嗰個男仔啱啱喺white noise買完隻Billie Eilish嘅黑膠就過嚟飲咖啡,成件事真係好似去咗中上環果啲咖啡店一樣,而且附近好多小店可以俾你行,絕對係呢幾日假期下午消磨時間嘅好地方。


咖啡店嘅選擇唔算多,主打日本咖啡豆,都係得幾種,可能今日天氣比較熱人人都飲凍latte,我都點了一杯。




Latte奶香好滑,而且唔算太甜,絕對係消暑嘅好選擇。


另外點了兩杯Hand dripmidday blendlong berry


兩杯也不錯,一杯fruity,一杯nutty,各有愛好者,隨你喜歡。


如果你都係怕中環blue bottle coffee會排隊排到傻,大概你去深水埗大南街都可以,基本上而家呢頭都可以話係好似中上環那一帶,滿佈咖啡嘅足跡。




呢間應該都可以話係呢頭另一間打卡熱點,如果你有興趣都可以嚟搞一個咖啡導賞團,尾聲再過去添發食個漢堡包支持下五一黃金周,應該是不錯的選擇吧。

Press The Button Coffee 
深水埗基隆街132A號地舖

沒有留言:

發佈留言