睇標題你以為我寫情歌，懷舊金曲50年，sorry，唔係，想講嘅係，你寫文勤力介紹人，人地推薦番你嘅故事。
朋友C小姐見到我剛剛推介了蛇王芬嘅買一送一套餐，然後佢問我：呢排有冇去過assaggio，又係抵到無朋友。
二人行，一個餐，三道菜，前菜主菜加甜品，一位$298，然後另一位有半價。
平時一位價錢都一定唔止，第二位仲要半價，那有不去的可能。
加上有海景，餐廳格調又不錯，幾次來吃過意粉和牛扒也好吃，當然唔駛講，即訂位行人。
優惠期去到14/6，未知會唔會extend，但當晚去到都好受歡迎，好多人係度杯酒言歡，也有好多人叫左呢個二人餐。
原來推薦人推薦得多，人地都會好心好報，推薦番俾你。
前菜都是經典的芝士，菜湯，生蠔，凍肉之類。叫了意式生和牛薄片，呢個最抵食。
生牛肉多到唔駛錢咁，味道當然好，牛肉嘅香和肉味，加上新鮮的火箭菜和芝士，鄰家的意式味道。
熟我一定奇怪點解唔叫生蠔，因為老婆未來過，由佢揸旗叫食乜，當然係吃她喜歡的布拉塔芝士，也不用解釋，芝士迷點會話唔好，但重點係份量好慷慨，食得好開心。加上蕃茄和洋蔥來吃，味道更多層次。
平時主菜一定叫牛扒和意粉，基本上枱枱都會叫扒，個個都好識叫，有備而來，見到有一台女仔，兩個女仔都叫兩份扒，再加紅酒，送個海景，不得了，有taste。
係橄油香蒜蟹肉全蛋麵和蘑菇意大利肉腸薄餅之間，我選了後者，因為呢度嘅薄餅都真係好唔錯，topping 嘅料好多，夾埋後渾然天成，薄身嘅邊我特別喜歡，不像napoleons嘅款式，兩個人KO一塊無難度。
如果你未來過，應該要食意粉，都係好野。
無叫扒就叫海鮮，Daily Fresh Fish from the Market有多種不同的海鮮，有是日烤魚，魷魚，青口和蜆，加上檸檬汁同佢講海鮮醬，整體味道不錯，但當然以我係這餐廳吃飯嘅經驗，牛扒應該會優勝。
甜品時間，意大利芝士蛋糕絕對係正確嘅選擇，滑到不行，芝士味足，爽。
人氣檸檬蛋糕又係另一個signature，估唔到驚喜萬分得檸檬蛋糕質感非常之soft，而且味道清新怡人，飯後甜品最適合。
個餐唯一唔好係冇咖啡或茶，但面對着靚嘅海景，我都費事飲咖啡啦，索性叫番杯酒飲。
一杯mojito一杯gin tonic，靚夜景下飲呢啲係另一個風味。
“仍然相信我會有好心得好報，可能到某日會知道”睇完你篇文你會想食飯，定係唱K多啲，why not both?
C小姐，疫情過後，是時候唱K了，多謝推薦。
沒有留言:
發佈留言