因為疫情的關係，在家煮飯的時間多左，又成日會叫外賣，自然就會開始留意呢有乜好野可以回家食同煮。
朋友推介左呢間外賣店，佢試過之後都話幾好食，於是叫我試吓，畢竟我都係少煮飯嘅懶人。
上網睇咗個Menu，用信用卡訂，仲送到去你屋企門口。
包裝非常之精美，而且又好乾淨，又不貴。
呢個品牌有三種野可以俾你訂，第一種係即燉湯系列，第二樣係懶人包，第三樣係自煮包。
試左三個勁正嘅懶人包, 齋係翻熱，好適合完全不知煮食為何物的人，拆開包裝，係熱水煮十五分鐘，就得。老實講，零難度，只要你識煲水就得。
先識個海蔘花菇扣豬軟骨，呢個真係自己煮都有排搞，海蔘花菇扣得好正，個汁勁濃，送飯一流，豬軟骨骨膠原充足，好精彩。
咖哩牛筋腩同樣味道濃郁，牛筋最正，而且咖哩汁多到滿瀉，牛腩份量多到基本上一個人叫可以食到兩日，基本上個汁可以留番，繼續煮其他嘢。
本來想食羊，但係最後冇貨於是選擇了法式紅酒燴牛尾，呢個牛尾同出街食嘅質素差唔多，講真而家買餸咁貴 你自己買齊野可能都要相應價錢，但最緊要而家有人煮埋俾你。
除咗懶人包之外，都有一款叫做自煮包, 預備好晒, 大概15分鐘就可以煮好。
呢個真心推介比一些家庭無飯主婦，你是足不出戶都可以好似去咗街市一樣，招呼親朋戚和自己老公，話俾佢聽你都識煮野。
而且呢啲懶人包菜式都不是省油的燈，全部都有特色。
看佢個menu就最有興趣食呢個鮑汁花膠蒸肉餅，一包肉餅切好晒，倒出嚟用手砌靚佢，然之後倒包鮑汁花膠攞去蒸十幾分鐘就大功告成，又靚又好食，女士攞出嚟，直頭入得廚房出得廳堂。
另外一個菜式係沙薑雲耳蒸走地雞，包裝非常精美，一盒雞一盒雲耳加一碗沙薑，就煮出家常便飯嘅美味。
另外也有優點LIKE湯，即燉湯系列。相對來講，呢個其實周街都有，而且佢嘅價錢都較高。
由於屋企成日煲湯，所以只是選一個就夠，牛肝菌燉海蔘湯，又係非常足料，又有牛肝菌又有帶條海參，好過自己煲，懶人就最適合。
今晚試咗咁多個菜式，六個人食都夠，都只係$500鬆啲，講真真係好過自己出去買餸煮飯，你自己買呢啲連工包料加心機，一定唔止係呢個價錢。
最推介比唔識煮飯嘅太太們，哈哈。
PS 有興趣就參考吓
懶人包:
https://home.ucatering.com.hk/takeawaydish
自煮包:
https://home.ucatering.com.hk/index.php?route=product/category&path=91
優點LIKE湯 即燉湯系列
https://home.ucatering.com.hk/Soup
沒有留言:
發佈留言