鴨肉珍：為高雄喝采

昨天四點鐘，高雄人應該很高興，在面書上的熱烈地彈琴熱烈唱，小鳳姐非常唔得閒。

今天有90多萬嘅高雄人，以民主之名，做出自己決定，讓台灣前走了一步，踢走了發大財。

可能你會話，你又唔係高雄人你又知道佢哋好憎韓國瑜。

記得去年七月份喺高雄，同個的士司機傾偈先講開，話佢哋而家集緊簽名要罷免個條魚，司機嘅話一定得，因為好多人都好憎佢，舊年高雄水浸嘅危機就已經顯示得到佢嘅無能，加上呢份工都未做好就已經想轉行，老實講，邊有咁着數。

上次講呢個話題得興高采烈之際，就已經到目的地，鴨肉珍。

這就是高雄最美之處，最地道的小吃，吃小吃永遠係台灣最快樂嘅事。

如果你有去過，你就知道呢個地方嘅人同事，講乜嘢發大財，人人都知你想賣盤，然後自己發大財。

高雄人，可以食返個鴨肉繼續慶祝，這天，為高雄喝采。

講番呢餐飯，一貫嘅台灣style，只是幾十蚊就已經食得非常之快樂。

地方簡單，絕對唔係好坐嘅格局，唔知點解感覺有啲似台北嘅阿財虱目魚。

有一個鴨肉飯、滷肉飯、鴨肉冬粉，燙青菜 ，加份鴨脾。

也忘記了之前食過幾多餐，坐低其實個刻唔係好肚餓，不過食落去就非常開胃。

我最鍾意就係個鴨肉冬粉，非常配嗰個湯，而且個湯有好多料，有鴨珍、鴨心、鴨肝等，冬粉當然吸晒鴨湯嘅日月精華。

鴨髀當然係鴨最靚嘅部位，味道甘甜又滑，吃得高興，而且完全唔肥，老婆同D小姐都完全唔驚，有幾多食幾多。

滷肉飯固然好，但係鴨肉飯加上鴨肉後仲正，撈埋汁，人間仙境，日日食呢啲簡單為主，使乜發大財。

最後加個青菜，每人都只是幾十蚊港幣。

如果發大財成功，台灣尤其是高雄，還會這樣價廉物美嗎？我們這一年經常傷得體無完膚，請你繼續留守為我們守住自由嘅空氣。