K小姐的推薦後，來過藏吃過一次晚飯，那次吃得非常滿足，當晚食到嘅omakase，感覺都十分對辦。
上次見到這裏的午餐Menu同丼飯的價錢都十分吸引，決定找個機會帶老婆再來吃。
二月份來吃過一次，當天太美味，無影相。今個月再試多次，食完覺值得再推下午餐就再寫一篇文介紹俾大家。
剛巧藏推介父親節Menu，同我上次午餐個omakase menu，差唔多，又係時間寫下推介父親節的慶祝選擇，那麼就打頭陣寫呢間。
看看當天和老婆兩個人來的午飯，我點了丼飯，她點了個omakase 午餐。
先介紹這個相信是藏的名作，日本雲丹伊勢海老丼，又靚又搶眼，基本上如果你朋友夠多，個百like，閒閒哋。
如果點俾爸爸食，相信佢一定會覺得同阿媽一樣咁靚。
其實都唔使點樣特別講有幾好食，超爽嘅龍蝦肉，加上來自北海道嘅海膽，甘甜美味，仲有隻龍蝦完全唔使你拆，全部唔使用手，啖啖好雄壯嘅肉，仲有佢個龍蝦鉗都係超美味。
呢碗飯，真係要讚，靚到驚人，如果俾個名佢，我會叫怪你過分美麗。
最重要仲要加上金箔，然後龍蝦嘅膏，煮出嚟嘅有一碗俾你撈飯，基本上你一啖有飯有龍蝦有海膽有龍蝦膏嘅感覺，呢個味只應天上有。
唯一彈嘅就係相對比較細碗，飯不多，如果你帶爸爸嚟食佢又比較大食的話，可能你要加碼。
當然如果你要選擇omakase 都不錯，$480 有前菜，刺身，壽司，烏冬和茶碗煮，一定夠食。
要讚嘅係大部份刺身味道都好正，當然我當日食的刺身同父親節嘅Menu不同，但水準應該差不多，當日我吃這個海膽吞拿魚魚籽，美味無敵，其他白身魚嘅處理手法，也不錯。
壽司方面，甜蝦，中拖羅絕對係令人抗拒不了之選，食完想追加。
大拖當然係油份最強，而且入口溶化，飯同魚嘅比例剛剛好，如果爸爸喜歡吃日本野，這個一定是最好嘅父親節禮物。
海膽除咗係港女最愛，其實爸爸都一定會好喜歡。
其他的茶碗蒸，烏冬等等當然都是水準穩定，但最正嘅當然係佢嘅刺身同壽司。
以銅鑼灣來說，地方舒適，而且好靜，好有空間感，價錢亦都唔貴，如果你都想帶爸爸來過父親節，就快啲訂位啦。
我相信無論廚師發辦定係雲丹龍蝦飯，都一樣深得爸爸的歡心。
先祝各位爸爸父親節快樂。
沒有留言:
發佈留言