以為潮福的故事已告一段落,在那次我們的第三次相遇, 我想我短期内也不會再吃一次蒸氣火鍋。
似乎每間公司總會有風潮過後的一段適應期,而這些時候, 通常都會有一些好吸引的package令你驚喜度爆發, 人人都會談及,然後再來個任食第二春,有實力都會可以繼續, 冇實力就會離去。
我想不到,我們自那個雷克雅未克的約定後,我和佢會再次碰面。
因為凡事反口係香港新風氣,於是我當然跟著潮流。
沒有辦法,媽媽不曾試過吃這個蒸氣火鍋, 如果找到個機會同佢食飯,我當然唔夠膽亂找一通, 當上網看到朋友說最有霸氣的知客竟然有任食做,我不能相信, 老實說,潮福如果不是因為那個知客,不是因為那個排隊的風氣, 不是因為那個一點貴的價錢,我覺得係幾好的。
在網上看到三百蚊的價錢有得任食(當然不是所有產品, 但那些雞呀牛肉呀菜呀都有得任食,海鮮都有好多種選擇, 計過條數,請埋阿媽細路食都抵,於是打去訂位,星期四的晚上, 訂位無難度。
最重要唔係去旺角道店,因為呢間分店先有任食, 呢度嘅service 好好,由坐底到落單到幫你蒸野食成個customer experience 都一流。
除了任你食又可以任你飲,用呢張野,你要叫幾多有幾多, 除左海鮮。
飲品有汽水啤酒竹蔗水,我當然選擇了較健康的竹蔗水, 一渣一渣平時都幾十蚊,呢度可以飲到了賴尿。
必飯粥底我選了那個瑤柱鮮淮山粥,平時一份都幾廿蚊, 有得送簡直超值。
還有滋潤燩湯俾你選擇,係老黃瓜燩雞同西洋菜唐排間, 我選了西洋菜,油是非常足料,不過可能唐排太肥,油份也高。
預訂送的加拿大龍蝦,每位半隻,平時食都要成百蚊,呢到送俾你, 真不能不唱首Eason 嘅還有什麼可以送給你。甜又爽的龍蝦肉,為你來個美好前奏。
海鮮雖然不是任食,但係每人選五份, 有元貝象拔蚌鮮魷海蝦番薯蜆花恰臭海花螺北寄貝石蠔鮑魚蟶子皇, 講真,咁正嘅陳容五樣都食飽你, 平時如果叫五樣都叫都唔止298,所以講真好平好平,同好X平。
這個美國石蠔的大,就如我對佢地知客個包容度, 美國石蠔的新鮮又無令我失望, 那些蒸如蠔的蠔身嘅汁就如渴海水一樣,那個大千世界, 我沒有辦法不愛上。
大連鮑魚雖然唔大隻,但經過那個清蒸方法一蒸, 香氣美味同樣動人,彈牙肉厚。
蟶子皇,無盡的蒜蓉和粉絲給你一個鮮味之旅,蟶子爽口無沙, 絕不會因為任食而質素不佳。
日本大元貝,完全係珍寶級的大件,用上剛好的時間去蒸, 元貝大得來蒸得剛好,軟軟的外表內是暖暖肥美的元貝肉, 加上點點的蒜蓉,吃完你已經半飽。
可能你會覺得悶,同樣方法的象拔蚌仔,又係美味, 蒜蓉粉絲冇咁重,更吃得出那鮮味。
雖然牛肉唔係之前食嘅和牛,但係質素也幾好, 用呢個清蒸的方法令粥底更鮮甜,而且肥牛片清清地又唔韌幾好食。
家禽裡除了肥牛外還有肉草雞,豬頸肉和污糟雞, 而我不知道污糟雞是什麼,阿姐解釋完我已經完全交番俾佢, 但滑雞的鮮味和那個野性的醬汁絕對令你增加胃口。
你增加胃口的時候,當然食多啲菜為上策, 始終海鮮已經滿左半個胃,粟米勝瓜南瓜什瓜什菜你選擇, 只怕你食唔哂。
最好的當然係菜可以任你想吃幾多就幾多, 雖然之前覺得這裡的菜相對冇咁好食, 但出奇地今晚什菜籃連菜都好似新鮮啲,冇上次咁生得怪怪的, 連呢點都改善得咁好,又點會唔得人鐘意呢?
丸類有豬肉丸鯪魚球釀豆卜涼瓜等,我唔想以有涯除無涯, 只叫了個幾好食的豬肉丸就算了。
烏冬蔥花卷糯米飯可以任食,我選了糯米飯, 加上那醬油bar大量蒜頭豉油去蒸糯米飯,點會唔好食。 本來想食蔥花卷但已經好飽了。
最後還有蒸馬拉糕,平時散叫可能唔抵食,但講真, 今晚又點會唔好,仲要蒸馬拉糕絕對是平常的水準,無乜弱點。
媽媽直頭飽到叫救命,但最重要係麻煩㨂擇的她竟然滿足, 做仔的最開心就係呢刻,幸好我沒有因那個知客而嚇怕, 雖然那次的約定的那餐價錢有點貴令我有點失望, 但今次任食令我完全改觀。
食埋個粥,完美。
我上次說過她就如雷克雅未克的約定,可能是我的空想, 但今次的晚飯後,媽媽已經說再和家人來多一次。
咁平咁好食,又怎會不約定媽媽來多一次雷克雅未克呢。
PS有朋友話好驚任食係唔係幾好嘅先兆,但係我親身驗證, 真係好抵食,同埋完全質素唔會因任食而普通,好值得好值得黎食, 特別你冇試過蒸氣火鍋或覺得貴,過黎應該絕對唔會失望。
潮福蒸氣石鍋
旺角通菜街1M-1T號華發大廈1樓全層
沒有留言:
發佈留言