大圍總算是一個幾方便的地方,為數不少的朋友都住在這裡, 名城的關係,每個月都會有一至兩次的機會入黎玩, 特別係新年前後,大圍已經係一個我覺得非常熟悉的地方。
當你以為大圍有嘅係屋村和村屋的時候, 以為有的都是一些街坊的小食, 頂盡出名的只是那個異國的博多拉麵和那個年代的咖啡店已經是最最 最特別的事了罷,因為大部分的大圍食物都是港式的本地的, 雞飯腸粉火鍋雞粥,地道的本地薑似乎是這裡的一個最大特色。
當今日有人約我係大圍見過面,約我吃的竟然不是港式菜, 反而係我從沒有想過的韓國菜。
如果十萬個為什麼是一個標準,我會想問第十萬零一個, 為什麼入到大圍食韓國菜。
朋友就是好正宗的韓國菜,我個心更加之好奇。
再睇下地址,你會想問第十萬零二個為什麼, 難道這裡是地道韓國人的餐廳, 抑或其實新翠花園是歷史的原因有好多韓國人, 就如太古城多日本人一樣, 一間這樣正宗的韓國餐廳竟然唔係天文台三角公廁附近, 中間應該有幾特別的原因吧。
來到了從未來過的地方,這裡真是一個好香港人的屋村, 好奇心叫我更想去試吃這間餐廳, 因為所有的拼圖所拼出來的圖案都是一套懸疑電影。 特別是那個舊式的屋村商場,我不夠膽相信,就如探鬼屋般興奮。
來到一刻,原來真是大開眼界,這間韓式餐廳,非常漂亮, 那些裝飾,舊電話,花花世界般的牆身,韓國電影海報, 還有不同配搭的椅上,餐桌,梳化布, 這所有的裝飾都叫人難以相信這裡是一間屋村餐廳。
星期六的下午,還要人頭湧湧,其中一枱,還真是韓國人, 個個都像是韓劇般樣子的韓國人,哈哈, 那刻我像是去鬼屋見到鬼一樣興奮。
那刻我相信,大圍應該真的好多韓國人, 如果唔係呢度唔會有間咁嘅餐廳,唔會有韓國人。
根據類比論證,呢度有韓國野,食物水準應該不錯,就試真一下。
老實說,坐下我已經好興奮, 呢個芬達插草莓沙冰$38我唔想要, 因為本身我想喝其他的飲品,但你個名係我去咁多間改得最爆的,芬 達插草莓沙冰咁過癮又點可以錯過,睇下點插到好。
原來唔同係,佢真係係你面前插,同平時的倒插有點不同, 而芬達夾草莓沙冰,你應該知係乜味。
韓國菠蘿冰$58就非常正常,令我想起小甜谷, 呢個冰好似味道淡一點,你愛好冇咁甜的話應該會更喜歡, 樣子也迷你可愛一點。
這個火山石板芝士拉餃子$48,是芝士愛好者的佳音, 那纏綿到死的芝士可以拉得長長,夠你愛上個韓國女來個long d戀,餃子是大大隻的餡料,剩係芝士的氣勢已經夠你喜歡這個菜。
韓式大蔥蜜糖炸$42,沒有平常大大碟的驚人, 像一碟小品的蜜糖炸雞油份不多,真係好健康, 而且放入口的一刻好舒服,一點油膩的感覺也沒有, 一碟四舊令人冇乜壓力。
漢拿山豚肉炒飯$128,全餐飯最令人著迷應該是這個吧。
首先,有個韓風美女係你面前整呢個飯已經是bonus 。你沒想過在屋村食飯都會有呢個安排。那個炒飯先放係鑊中, 然後放上蛋,放上醬汁,炒下炒下, 炒飯中的豚肉撈左汁撈左蛋漿等加上炒得粒粒美味的炒飯, 這個是我今天最欣賞的一個特色菜之一,當然那些女孩也加分不小。
我很喜歡醃蟹,估不到這裡的飛機醬缸醃蟹$168會令我咁喜歡。 那個曾經叫我著迷的佐敦醬缸是好,但價錢有點貴, 這裡的醬缸醃蟹是價錢平之餘,仲要質素非常好, 店員幫你把那些蟹膏蟹肉全放進個紫菜飯到撈。
飯的軟綿綿,蟹的蟹膏蟹肉把成個飯都撈到好吃得很, 最重要那醃的豉油更不會是死鹹, 這個應該是我自醬缸後吃過都算不錯的醃蟹。
火山脆皮豆腐$48,朋友叫的這個豆腐, 火山其實是有點辣辣的醬汁,脆皮的脆度非常美味, 咬下去的豆腐滑得很,不過相對來說,我覺得這個較為普通, 欠缺了一點特色。
最後叫了韓式水冷麵$58完滿了這餐午飯, 水冷麵當然是每條都是韌度十足,加上醋來送一下, 酸酸的剛好的釋放了前半部的一點飽肚感, 剛剛好的菜式我們四個人全把它吃到一滴不漏。
重要個Point 係,咁多野食,每人都係一百二十蚊到,如果係尖沙咀, 同樣的食物,我相信貴兩成以上,仲有,呢度嘅質素非常不錯。
好似今日揸車,只要夠一百五十仲可以免費泊一個鐘, 特地揸車過黎食都不錯。
雖然我唔知大圍係唔係真係好多韓國人, 但係大圍有間又平又好食的韓國菜, 也幾值得你來看過究竟吧。
Sister Korea Cafe
大圍翠田街2號新翠商場地下17,18 &18A號舖
沒有留言:
發佈留言