香港的茶餐廳文化,大約最後一章就是這裡, 我並不覺得這間算是正式的茶餐廳, 頂多是一間連鎖餐廳如大家樂大快活罷了。
這個早上連續在旺角朗豪坊睇兩場早場,在場與場之間的二十分鐘, 吃些東西是必需吧,於是去了最近的翠華餐廳吃早餐。
從來這裡的餐廳只有三個選擇,麥皮早餐, 沙爹牛肉麵和鮑魚火腿通心粉, 唔想咁唔健康成日食麵又唔想口啖啖食麥皮於是我們來了這裡。
從來香港的餐廳都是以快靚正為準,不過今日慢得很。
晨早十點半都有咁多人,冇辦法, 就算香港近來已經少了很多的自由行旅行, 這裡還是充滿著來自中國的老闆們。
等了十分鐘才到的早餐,如果說時間, 我相信這已經是不合格的指標了。
先來的竟然是鮑魚火腿片通心粉,我唔明係乜野邏輯。
鮑魚和火腿片份量都好多,一口通心粉一口餸的比例絕對做到, 那個湯底應該是你吃開某香港大牌子的雞湯,你就好不好吃, 是見人見致,不過三十多元的早餐在旺角,是可以更好的。
然後是應該容易整好多嘅煎雙蛋和方包,我沒有整多士, 只是簡單的牛油夾在裡面,蛋黃點麵包也可以是很美味, 但我不明白以為是剛剛煮的蛋卻是無乜生氣同埋唔係勁熱的那種感覺 ,大約這就是沒有了應有的茶餐廳火喉。
最後才來的熱奶茶,是一貫的翠華風味, 絲絲滑滑的奶茶茶味和奶味都濃郁,只不過那個杯不是勁熱, 沒有那種茶餐廳應有的風味,也是那句,不是不夠好, 而是可以更加好。
這餐早餐用了我二十多分鐘,再去投入電影世界, 只不過我遲了幾分鐘,因為太多中國老闆了,大媽,大姨,大叔, 全部都過黎撐我地嘅經濟, 香港零售市道不景氣要打旗幟搵人歡迎旅客來香港, 大約我覺得佢去翠華打個轉就明白,起碼我感覺其實遊客沒有少過。
如果我看電影遲幾分鐘換來的是香港旅遊業復甦起來, 睇電影沒有片頭,又有什麼所謂呢。
翠華餐廳 Tsui Wah Restaurant
旺角砵蘭街240-244號旺角文華地下
沒有留言:
發佈留言