剛剛結婚的朋友C小姐,識飲識食, 曾經推薦過一間旺角的火鍋店給我。
雖然說是旺角火鍋秘點,但其實很多人也已經知道這間食物不錯, 坐得舒適而只是位置有點秘密的地方。
旺角火鍋店多到不行,但要講地方好,數一數二方便, 仲要唔係龍蛇雜處的旺角核心入面,首推Canton Pop。
兩年前同其他同事吃過一次,感覺不錯, 是晚去日本前和一班食友再來, 吃下最港式的邊爐止癮才去日本旅行。
由於多人可以試多幾種鍋底,因為呢度嘅鍋底出名多而樣樣有得色。
選了特別的火焰太白醉翁蝦鍋,呢個鍋色香味俱全,就如睇show 一樣,把一大堆新鮮生猛的蝦,加上酒後當場堂煮, 火燒紅紅係影相位,如果你係覺得殘忍,看不了這些場面, 可能你就吃不了這鮮味。
超甜粟米人如其名,就如之後在日本吃的超甜粟米一樣粒粒靚。
上次吃過這裡的丸類和餃類都不錯,今晚點的是酒香孜然羊肉丸, 重慶豚肉餃和黑蒜京蔥羊肉餃。最正係重慶豚肉餃, 一放入口就有強烈的辣味和香味, 酒香孜然羊肉丸就有股濃濃的深圳氣息, 難得喺香港都吃到好有大陸地道的美食,唔講以為係大陸打緊邊爐。
四合丸聽名都估到係雜錦丸,當中最喜歡的係彈牙又爽口的墨魚丸。
朋友S小姐說福袋不能錯過, 松茸野菌福袋整個都是每口野菌和松茸,雖然已經太飽,但吃到⼀ 個大福袋都不是大問題。
沒有留言:
發佈留言