格格府御膳: 走進電視晚飯

電視台做完延禧攻略都一段時間，如果你係劇迷，看得癮起，如懿傳都煲埋，還在浸浴在宮中生活的你，沒法自拔，我有個建議俾你。

平時你煲劇都係食晚飯煲，你有冇諗過食緊晚飯嘅時候都可以好似親歷原景一樣。

你想像用上像瓔珞憑勇往直前的勇氣，用自己的一生，實現了對富察皇后的承諾，好肉緊的同時，你又不需要咁認真，因為唔係做劇，最多係食餐晚飯而已。

因為來到格格府御膳，你可以角色扮演任何一個角色，無論皇帝，皇后，宮女，恭親王，格格甚至獄卒，都有好靚好新淨嘅服飾俾你飯前飯後任玩唔嬲，任扮任影。

幾個朋友來吃飯，最後食乜都變得不再重要，影幾多相，啲相靚唔靚先係正經事。

男人玩得可能冇咁多元化，但女人造型多樣，細緻位如髮髻，髮夾，假指甲，頭飾，宮廷裝扮非常講究，係差在未有化粧，每個女人係度都可以以為自己係周迅或者係佘詩曼。

不過，我唔係女人，冇乜靚相你睇。

餐廳的美就真係好像去了紫禁城其中一間房一樣。

同一晚，有好多枱都係幾個女仔黎食，有兩枱更加係濃妝豔抹，花枝招展，一班男人過嚟食飯，未必可以玩Cosplay，但一定有靚女欣賞。

我還是入正題，講番野食水準。

這裏有不同的a la carte到四人餐，十人餐都有，款式多元化，見隔離枱食物都非常精美，同餐廳那些衣服食物一樣。

我們不是太多人，四人餐好像太多，個個又唔係大食，還是單點算了。

一路換衫一路玩的時候叫了幾個前菜吃，前菜有豬手，醉雞和涼拌木耳，三個前菜各有特色，最鍾意食醉雞，那股酒香，殺得死人，涼拌木耳就相對普通，豬手的膠質吃得人個口充滿骨膠原。

令我非常佩服的有這個菊花豆腐湯，豆腐的美令我諗起上海菜最勁刀功的綠楊邨，個湯甜到入心，豆腐切完後依舊十分嫩滑。

又係好得人歡心的還有這個糖醋魚柳，雖然有點濃味，個人覺得太甜了，不過魚柳是吃得出的新鮮，沒有半點雪藏味。

新派的黑松露醬獅子頭，沒有想過用這個方法和處理獅子頭，平常獅子頭的醬汁好勁好濃郁，但這個獅子頭非常清新，沫上一層層黑松露香，好動人。

是時候吃點菜消化下，高湯浸菜苗，點會唔夠好，入冬時候，吃菜苗就如遇上十六歲時的女孩遇上和她初戀一樣，合適到不行。

嫩雞燴麵是尾聲，本身我其實係為咗炒飯而來，可惜個個無興趣，個個也話想吃清一點的。

嫩雞燴麵的清，只有嫩滑的雞件，大量的蔬菜和清新的湯，完全不油不肥，我想起從前宮女為了減肥，一定係食呢個嫩雞燴麵多。

甜品的桂花酒釀丸子，高貴大方得體，女士一定鐘意，配合番餐廳的精美風格。

食完呢個甜品，成班朋友虎視眈眈那些服飾，又再玩過，玩多咗一個小時。

以餐廳的環境配套食物，其實價錢尚算合理，最重要係個個都會玩得開心。

如果你還在電視劇的懷抱裡，我建議你唔好用電視送飯，不如走入電視場景裡吃飯，應該更加滿足吧。

格格府御膳 

銅鑼灣開平道1號Cubus 5樓