第一日的假期,上午因工作的關係,最後還是要回公司一下, 放工後想到中環靜靜地休息一下。
在Instagram 看到Espuma杯沙冰,非常吸引, 不知是那些玩攝影的人將飲品個look 賦予左生命,呢個下午我好想好想試沙冰, 而且餐廳又靜又舒服好適合high tea,我便訂位去上次灣仔分店。
我和你也是衝著那杯叫朱古力樂加沙冰而來。
睇左openrice ,見到中環有分店,個景仲要好靚,我想也不用多選擇, 一於去中環個間tea下。
今日落雨落到中環出奇地少人,街道, 食肆都好像晚上般寧靜。" 當天陰要下雨 好戲便上演",對,其實我唔喜歡下雨, 不過因為今日咁寧靜嘅環境,都係多得下雨天。
下午三點,沒有陳綺貞的歌聲,伴隨我的有薛凱琪的《所有下雨天》 。因為下雨,真係令人好愁好愁。
這裡環境絕對比灣仔優勝,幸運地坐在落地玻璃窗邊, 半山的環境盡入眼廉,就如一幅畫。可惜, 今天的雨點令整幅畫多了點哀傷。
個人都傷感起來,今朝又塞車,搵位泊車又煩, 你自然會感受到不快,幸好,窗外的位置令我快樂一點, 如果唔係多愁善感會令我墮入瓊瑤的世界,以為自己係林青霞。
可能天暗得很,我要吃點甜點,把那刻低沉的心情提升。
焦糖單骨雞翼,應該係tea首選,懶人如我一定會喜歡。
上次已經想吃這個黑白芝麻呑拿魚卷,大份得很的前菜, 呑拿魚卷明乎其實全舊都係啖啖肉的呑拿魚,加上蕃茄, 白黑芝麻等,呑拿魚本身沒有令人有開胃的感覺, 然這裡的添上簡單白芝麻和黑芝麻,還有新鮮多汁的蕃茄, 成件事立刻好開胃,無論樣子和味道都好一致地好, 怪不得每個人都叫。
本身諗住等她先叫main同飲品, 但下雨天令香港的塞車情況來一個助攻,等不到了, 於是自己叫了一杯金桔檸檬沙冰, 等她才叫另一杯朱古力樂家沙冰吧。
要金桔檸檬沙冰的原因,我覺得有中西合併的感覺, 大大杯的飲品都只係$42,而且感覺冰涼感覺十分暢快, 檸檬味極重,可惜今日天氣好差, 如果係夏日炎炎的感覺飲呢個應該非常爽快。
黑松露意大利芝士菠菜雲呑,上次係灣仔分店冇見過呢個菜式, 沒有太大的胃口,因為前菜吃了太多,於是便選了這個來吃。 菠菜雲呑皮適中得很,裡面包著的餡料豐富, 最重要黑松露令芝士菠菜雲呑唔會感覺好膩, 始終我們都得都要吃得健康,呢個意粉絕對冇失望。
我特別喜歡意大利雲呑,要好好地做這些home made食品,始終不易,Jamie's Italian 以自家意粉為豪,這裡雖然沒有那般的好,但我覺得也算不錯, 至少在落寞的下雨天,總算為我提了不少慰藉, 可惜今日沒有試豬手,後面枱剛好見到老友,佢剛剛食豬手, 仲要不斷推薦我,可惜胃口並不佳,結果還是放棄了....
她終於來到了,見金桔檸檬沙冰對辦,於是立刻叫朱古力樂加沙冰, 可惜,服務員告訴我,整沙冰站機壞左....個刻真係呆左, 似乎下雨天的下午,什麼事情都諸事不順, 這個也令我感覺非常非常差....最慘的是你, 沒有叫朱古力樂加沙冰之餘,又要忍受那惱人的交通, 還有我不好看的黑臉,多得你的諒解。
沒有沙冰,叫了一杯mojito,經典的味道, 為今日的下雨天劃上句號。
幸好,我們還有單骨雞翼的甜,叫我們還有點兒的快樂, 在這下雨天有點兒甜來點綴和解囊吧。
最後,送上這裡一些景色,一些餐廳的裝潢,我很喜歡, 希望share 下俾大家睇,下次無論所有下雨天或者晴天, 都可以過來享受下Espuma優美的環境和食物。
Espuma
中環威靈頓街2-8號M88 17樓
沒有留言:
發佈留言