由於我太喜歡電影,我有想過做導演,由於我太喜歡文字, 我有想過做作家,由於我太喜歡旅遊,我有想過做機師。當然, 最後什麼也做不到,現在,只是在打一份自己完全冇諗過做嘅工作, 從前理想現在只淪為入戲院睇戲,得閒寫下食評,同做廢青去旅行。
我常在想,有沒有人能真正追求到自己的理想,直到我來到了這裡。
朋友星期四晚上特地出車由尖沙咀車我地去大埔林村附近, 佢話有間非常精彩的餐廳,要我們去感受一下。
在這個角落,常聽說有個非常漂亮的園林餐廳, 雖然沒有許多戀愛和剩傷心者感概, 但這裡就是有唯獨你不可取替般的古典美和氣息,無數的花草樹木, 令人心悸動,有五六間小木屋你可以包場食飯,有魚睇, 有夜晚才開的荷花,我以為自己唔係香港。
這裡更有鋼琴室和畫廊,通通是這餐廳老闆娘的嗜好, 那些畫當然是充滿藝術氣息,還有食食下飯老闆娘興之所致會彈琴, 我多口問她,這個興趣大概是幾年前才學,彈得不好, 但學了彈琴算是完自己心願。
對,我在想,有幾多人還會這樣追求夢想。
它沒有做畫家,雖然喜歡畫畫,它沒有做音樂家,雖然喜歡音樂。
這令想回顧自己,我還在寫食評的原因,是為了寫,還是為了貪吃, 還是為了滿足,還是為了朋友?
這裡和兩百篇前的景象也不同了,人,總要想前路, 我曾夢想可以寫得好啲,多啲人睇,多啲人鐘意,事與願違, 我還是原地打轉,寫文越來越差,到底,我在做什麼, 見到好多前輩寫得好,後面的師弟寫得更好,我開始迷失了。
這令我更欣賞在理想和現實的平衡點拿得準的人。
上次來是多年前和前度過來睇許願樹, 那個時候我們都要說什麼不可分開之夢想,多麼好笑,多麼脆弱, 現在人家已是人妻,夢想與現實,你現在明白是兩回事嗎?
愛情,在時和寫文一樣,你靈感有時,擋也不了,你沒有時, 換所有的身家性命財產,也是沒有墨水。
我不是人氣很高,不是靚女,不是行可愛路線, 不怎認識如何交友應酬,我希望這個里程碑叫自己要努力,不放棄, 要加油,為的是分享更多好的事物。
第二百篇的食評,我獻給這餐廳,是因為我喜歡有理想, 來到這裡的晚上,我才知道原來夢想與現實,可以很近, 我們分手可能是我們都理想以為很愛,但現實是大難臨頭各自飛, 特別係而家離婚多,人人逃避現實,廢青滿街頭, 我們還有實現理想的人嗎。因此,我覺得勇於實行的人, 像這裡的老闆,要做的,就要全力以赴,是非常難能可貴。
二百篇前後,個人唔同左,心境唔同左, 從來我都唔係一啲好active 嘅會員,現在我也想是否應該轉轉形式,現在,像是停滯不前, 那天,有朋友問我,到底我自己有什麼想法。
也是時候想想了,寫得參差是事實。
上次的一百篇,我獻了給中華廚藝學院, 今次我也用上呢一間我覺得好特別的餐廳,正是於大埔的荷曄庭。
聽名字已經覺得典雅,友人未黎前已讚多次,話呢度點靚點靚, 點知,黎到真係好驚喜。
我想講,呢篇嘅食評全由家長指引,因為全部好大碟,份量好多, 未經專業訓練絕對唔好叫咁多,屋企朋友如果你冇番啲大胃王黎食, 千萬不要模仿我地叫咁多。
海蝦鮮果沙律,天地人間,由清清的沙律開始, 就如這類盡是翠綠的環境一樣,值得一提,海蝦大隻爽口新鮮, 平時呢類沙律會有雪藏味,但呢度完全沒有。
酥皮焗龍蝦湯,經常都飲龍蝦湯,呢度也絕對係比平常的水平高, 其龍蝦的濃度可以令我想起lawry的那個湯,記得加酥皮, 成件事,鬆軟的皮配合那帶鮮且濃的龍蝦味簡直係完美。
燒焗日本黃金帆立貝,又係大件抵食之選,帆立貝肉身勁大粒, 上面的芝士烤焗得金黃而脆,那些芝士配合那大大粒的帆立貝, 味道非常吸引,絕對不可以錯過。
如果今晚最吸引目光的,一定係黑松露海膽焗非洲珍寶虎蝦莫屬, 那長長十二寸的氣勢真係無人能及。我同朋友一人一邊的蝦肉, 非常爽口的甜美,而且其進擊之巨人份量,絕對令你可以吃到半蝦, 特別係蝦頭那些膏多到好似倒瀉水彩一樣,膽固醇之友, 食埋真係爆哂錶。
席間朋友叫我唔好食咁多,但係美食當前,唔理咁多, 就好似美女廚房一樣,食左先講。說算多脂肪,你記得慰問我, 如果唔係我會好似寵荗嬲你,到時你有副校都冇得做。
傳說中呢度有名嘅燒牛仔膝就好似葉問咁,一個可以打十個, 我唔係洪金寶,雖然好想試,但始終食左太多, 最後也只叫了燒小牛排,無緣見葉問,但相同的地方, 風格都是一樣。大大份,肉質燒到剛剛五成, 那肉質呈現係男士最愛的鮮嫩粉紅色,放心我地只係食牛扒, 唔係食其他,燒得剛剛好的牛排,配一杯紅茶,真係人間樂土。
美國無菌黑豚豬配黑松露汁,呢個算係眾選擇中較小的一份, 黑豚豬肉味非常出眾,當然和本身其品種有關, 但配黑松露汁卻是新鮮配搭。
燒水牛城豬肋骨,相對來說,呢個係較冇咁突出, 雖然豬肋骨嘅肉腌到好淋,咬下去肋骨邊的肉就似化骨綿掌, 水牛城嘅辣辣調味都令佢好滋味,但其小牛排同黑豚豬太好味, 因此,呢個相對較失色。
唯一要挑剔的,應該係呢個蒜蓉炒雜菜, 彈的不是油太多或者係菜太老,只是太少,如果肉呀, 海鮮呀全部咁大份,應該菜都要番咁多咁大份,菜種類多, 有西蘭花,菜心,芥蘭,豆角,還有剛出現的露筍都有, 好快也全部清除,因為食左太多肉啦, 完全可以中和吃了咁多的肉類。
然後,是甜品時間。
焗雪山,員工攞入黎然後熄燈著火俾你任影,非常專業, 大份得不行大概係這裡的signature,甜品也盡是這樣, 喜歡其焗雪山的酒味很重,絕對係意想不到的精彩。
梳乎厘,本想食一杯,但太飽了,結果食左半杯,對比焗雪山, 我更喜歡梳乎厘,冇特別第二啲生果味,朱古力味,簡單札實直出, 梳乎厘的味覺很滑,甜甜地而不膩,朋友話當食空氣咁唔會太飽, 結束所有空氣清哂。
最後要杯青檸梳打,自己選的單尾,結束,我們抱著哭, 是因為吃了一餐美味的晚飯,枱中所說關於那老闆娘的, 關於那夢想和現實,原來才發現人生的殘酷,更欣賞她的堅持。
我想做作家的夢應該在十年前已死了,不過, 現在寫一點滿足自己吧,可能如果我做作家已經餓死, 現在誰知道是不好呢,我知我寫得不夠好,但希望你們的包容, 會給我改進空。 我希望好似各位我欣賞的前輩和新進的一起加油和努力, 這二百篇的紀念,是送給所有在這類用心分享食評的人, 你們繼續寫定有你們的想法,不管怎樣,現實是殘酷的, 就算冇人欣賞,繼續做,終有一天,會有結果的。
荷曄庭園景餐廳 Lotus Courtyard Restaurant
大埔林村放馬莆43號地下
沒有留言:
發佈留言