寫於中秋之前

上次係鑽石山間分店食嘅主因係呢間荃灣莆田。

朋友找的選擇，本身我聽個名，同大部分朋友一樣，以為係日本菜，仲要係那些任吃任砌的日本料理。

不過，如果你google一下就知，莆田係福建其中一個地方，而呢間餐廳係一間係新加坡好出名嘅餐廳，食嘅就係地道嘅福建菜。

我問朋友呢間嘢有幾出名，係新加坡做過幾年野嘅人話，就像香港嘅利苑。第一次吃的𥮉田，的確給我很大驚喜。

是晚吃的都是這裡的人氣菜，仲要而家做緊新加坡theme嘅新菜式，今次係度一一講下。

一黎就飲杯紅毛榴櫣汁，以新鮮的榴櫣果肉製成，入口口感勁滑，我還以為去了那些出名的甜品店，好喜歡其濃郁的榴櫣味。

首先一定要講呢個冰浸苦瓜，記得吃過好食的有聚友冰鎮涼瓜，對比起這裡，各有千秋，而且你怕之外，還有一碟蜜糖俾你試，無論你吃得苦與否，係咪人中人，大概自己就可以知。

第二碟食就係呢個新加坡新theme蟹，黑胡椒蟹，雖然不是像新加坡用的斯里蘭卡蟹，但係個個味係完全一樣，我想起新加坡的那些黑胡椒蟹，非常好味，呢個配合饅頭，那些黑椒汁又同那個饅頭卻出奇地夾。

另外辣椒螃蟹也是惹味之選，蕃茄醬和辣椒加埋所做的醬汁好濃郁，我拆左一隻蟹夾，肉質非常鮮嫩，辣椒味沾上蟹肉當中勁入味，不過我還是較喜歡黑胡椒蟹，那種狂野係非一般的，不過配合白饅頭和辣椒醬又係另一個特別的mix and match。

原裝小金瓜海鮮湯，呢個味道可以講係一流，南瓜係來自莆田的新鮮貨色，湯頭很甜，又有強勁的海鮮做後盾，甜上加甜，飲到底的時候，我把南瓜一路刮過底黎食，南瓜瓜肉鮮甜得很，絕對係秋天的一個合時菜式。

九轉小腸，非常新鮮的豬腸，以火係度烘住個熱度，傳統九摺式滷製，味道有豬油香，爽口彈牙，好有口感，貴為莆田名菜絕對係沒有過譽。

馬來風光，之後係鑽石山分店七點幾都已經售完的一個菜，新鮮的通菜用了馬來的三芭醬以勁大火炒成，色香味俱全。

興化米粉，有人說過，白如雪，細如絲，絕對係一個精彩的炒米粉，綿綿的如吃綿花糖，最驚喜的係十多種配料，蝦呀，蜆呀，花生呀，菜呀，好多海鮮炒埋一份，令人十分感動，配合那個自家製辣椒醬，我一個人可以食到兩碟。

食到飽飽，還是不遺忘甜品，酥炸榴櫣絕對係必試之算，入口好像吃榴櫣一樣，那個軟滑的榴櫣在口中慢慢散佈，不過其酥炸的表層卻有點怪怪的油味，如果改善下應該更為完美。

最後一提，呢度嘅菊花茶勁香，入口有種淡淡的菜氣，猶長有餘韻，絕對係另一個特色。

今晚最衰唔夠多人，試唔到多啲嘢食，睇番餐牌莆田還有幾個十大名菜可以試，聽朋友講鑽石山分店又大又好坐，又好泊車，因此，中秋翌日，我便再訪這裡....

莆田 PUTIEN

荃灣大壩街4-30號荃灣廣場4樓416舖