樹熊の食桌: 那個下午我在灣仔開蠔

2015年10月19日星期一

那個下午我在灣仔開蠔

難得這兩年在openrice的平台，寫寫食評吃吃飯，最高興的除了食友外，有時候會認識好多做食肆的朋友，特別係為食之友，佢地有時候介紹的，比你係周刊或者網上的平台更可信，更值得推薦。

朋友K的朋友，他知道我喜歡食蠔，介紹了朋友D給我認識，他朋友在灣仔的oyster house 有個自己inhouse的活動，可以教開蠔，同埋佢話個度蠔好得，又平又抵，玩完開蠔食埋飯都唔係好貴，於是，星期日的下午五點多，我來到了oyster house，與蠔同行。

為今日的蠔行揭開序幕，朋友N還安排了呢個蠔場個負責人去示範怎樣開蠔。我們還學了怎麼開蠔，不過可能人還未從午睡中醒過來，開蠔好像冇人示範咁易。

第一隻吃的蠔係來自華盛頓的Bay water，呢隻較為細隻的美國蠔比起同區較為小，不過味道非常突出，海鮮味鮮而猶長，雖然唔大隻唔creamy，但係其個性和味道係好易令人有印象。

第二隻willapa bay，樣子精美，我喜歡其小巧的體積和漂亮的紋路，但其味道係我最喜歡的，小小的蠔但藏著的是creamy的世界，我非常欣賞其小小的世界卻藏著細緻的觸感。

第三隻的Spanish rock ，來自西班牙，海水味唔算十分重，味道也是fresh而清新，不過我喜歡其after taste 好強好強，其體積好大嘅關係，整個口腔都滿佈蠔的口感幸福而滿足。

當然，食蠔一定係配白酒，剛從午睡醒過來，個人還是懶洋洋的，還是不想太多，來杯白酒吧，送蠔又怎能用其他酒呢，不過，有些人說紅酒可以送生蠔，百貨百客，包容別人口味，係尊重，係食友教的。

海膽紅蝦，之前係食評見過好多人食過又寫過，Argentina 紅蝦和加拿大海膽和三文魚籽夾著的一個前菜，類近吃過的東西有鮨文的海膽杯，又有係S2的海膽杯，同呢個雖然有異曲同工之妙，但唔同嘅係主角係紅蝦而非海膽，一匙放入口，美味的混雜絕對係美妙，海膽個味出到不行，而紅蝦刺身絕對係精彩處，記住，要一啖吃。忘記了說，同樣的食材和感受，呢度真係好平好平，老土的形容，性價比高，粗俗啲潮啲形容，底小.....小。