今次過黎鑽石山食,係之前係荃灣食完之後,覺得真係唔錯, 再翻啅。
和家人吃個簡單飯聚,又要好泊車,又要好坐,又要好食, 個日荃灣店話我知,呢個地方,係唔錯的選擇。
中秋的第二日追月晚上,第日要番工,加上之前請三日假, 可以放九日去轉歐洲的日子,仲要食八點半,差唔多任坐。
今次可以食啲上次食唔到嘅野。
開頭就番吃呢個冰浸苦瓜,依舊甘甜涼快美味, 我越來越喜歡不用蜜糖就隨口吃,全因其滋味無窮,"今天竟吃得出 那睿智愈來愈記掛",是我越成熟,還是味覺不同了呢。
上次吃不到的有這個酥炸蟶乾, 蟶子乾應該係三十年人第一次吃的東西,全因的好愛蟶子,不過, 呢種食法太新奇,對我來說我喜歡又煙韌又juicy彈牙的蟶子, 如果係屋企睇波送酒大概會適合一點。
土荀凍,福建名菜,自土瓜灣的廈門珠記後就未試過的美味, 不過我喜歡廈門珠記多一點,呢度相對冇咁野性, 味道來得高貴大方。
喜歡的還有這裡的莆田荔枝肉,荔枝味好強烈, 而那些肉又不會太過肥美,還附上一些荔枝肉, 吃得味道像是清一點,健康一點,有大中小你選擇, 可以就人數來叫,絕對好方便。
我介紹朋友來吃,朋友介紹乎我來吃,佢推薦阿元香草雞, 呢個好普通,可能期望太大,失望更大,雞肉係凍吃, 所以鮮味不不大,但雞肉還是滑滑的,你喜歡食的話,可以一試。
菜類有很多,呢個金銀覓菜,應該不會是莆田的菜, 這樣才試到其真功夫,這個絕對有板有眼,絕不欺場。
最後吃的當然係興化米粉,同上次一樣有好多餸而又軟綿綿的米粉, 配合那個辣醬,絕對係無窮的美味。
最後都encore 左上次吃過的酥炸榴蓮,喜歡佢完全吃到榴蓮的那種美味, 不過同上次在荃灣吃的一樣,其炸的油不是一些非常優質的食油, 有種奇怪的油味,今次就係想試一試有冇唔同,不過除此以外, 呢個都係一個不錯的甜品。
總括來說,地方和荃灣一樣舒適,地點方便, 同上次朋友說過最好的優點係有泊車優惠,而且侍應服務也好。 小插曲係呢次食飯佢地係埋單時候做錯左少少嘢, 不過佢地嘅follow up行動都做得好足,其中一個經理李小姐的服務態度也好殷勤, 絕對值得稱讚,下次去埋銅鑼灣試埋其他未吃的菜式。
莆田 PUTIEN
鑽石山龍蟠街3號荷里活廣場2樓214舖
沒有留言:
發佈留言