見到呢個牌,你有乜野想法,我二話不說,即刻排隊。
天下間武林分左兩種,一派係阿華田,一派係好立克。
從來別人都覺得好立克係純潔的健兒, 細過玩田徑嘅人多是喜歡好立克,同埋佢純白的樣子, 你會想起從前細過番學的白襪子,白底褲, 同埋因你變耀眼的白恤衫。
淡淡味的好立克從不是我杯茶,我係屬於阿華田派的, 就像歐陽峰一樣,係野性的典雅,阿華田就如醉生夢死, 飲完便忘憂,特別係冬天喝阿華田,總比好立克來得溫暖, 可能是色的關係吧。
其實而家飲好立克同阿華田都好old school,你如果係茶餐廳叫"呵lick" 你的真實年齡會便透露,上次就有90後弟弟問我點解飲華田。
講番個新地,八蚊杯,非常抵食。
當然,一如之前KFC的那個邪惡double雙雞夾蛋夾煙肉, 又或者係之前麥記好似肚餓後現代廁所主義風的牛肉飽, 全部宣傳同現實都有點距離,呢點,你懂的。
就係那些網上騙案的人,相前相後,何嘉莉上身,不禁晿句, 你共我是兩種人。
不過,都唔理,最重要還是味道。
新地雪糕係兩溝,最正統嘅白色純真配合邪惡朱古力, 味道就如兩溝碗仔翅和魚肉,雲呢拿同朱古力的水彩交融, 連我對雪糕興趣不大也會覺得吸引。
最重要,係那些阿華田粉,加了後,效果完全不同,效果顯著, 當那些粉和雪糕碰上,就成為了阿華田雪糕,不用幾分鐘, 這個口味的雪糕就被我KO了。
當然,阿華田迷如我,連粉都唔會放過。
剛剛執筆先知,原來剛剛麥當勞先出呢個新地,各位阿華田迷, 請留步,麥當勞在你身邊就入去朝聖吧。
麥當勞 McDonald's
鑽石山龍蟠街3號荷里活廣場2樓216-217 號舖
沒有留言:
發佈留言