星期日可以廿幾度著短衫出街,星期一的晚上突然驟降到十二度。
這個晚上,我們一行十幾個人很早便食完晚飯, 有人提議食糖水做宵夜。
全枱都是識食之人,當然食好西啦。
在炮台山和北角的分界線,你知道有一間非常有名的舊式糖水, 每逢團圓的時候,總會像星羅棋布一樣滿佈人潮。
醒目的你就一定知道,這裡就是位於英皇道的那個福元湯圓。
這裡的湯圓賣得街知卷聞,有人竟然唔知呢度係咁出名,所以話, 世事並非偶然,也沒有一定。
我們一行八人,於突然凍到不得了的英皇道行到去鋪頭, 還擔心鋪頭太小,冇位好坐,點知,好彩的我們能夠分開兩張枱坐, 最重要唔駛等位,就如冰天雪地8惡人一樣, 八個惡人之後的結局係血肉模糊的殺殺殺, 我們殺的卻是這裡出名的湯圓。
我們幾個也選了鴛鴦湯丸,朋友Miss F就選了紅豆沙加湯圓。
坦白說,知道好食的我其實從未食過,我是佳佳的粉絲, 當我看到這裡的湯圓都真係嚇一嚇。
朋友大大碗的紅豆沙裡,藏了三粒同我個頭一樣咁大的湯圓, 問她有什麼特別,她說都是那些舊式糖水。
自己吃的感覺才最真,來到面前, 清清的薑水看到的是更大粒的湯圓。
咬下去,層皮一點也不厚,那個芝麻咬落去, 嘩啦嘩啦全個芝麻一起殺出個血路,唔算勁甜的芝麻全部都是生磨, 你可以吃到好似起沙咁,完全滿足視覺味覺等效果。
不過,朋友說應該做的過程很多油,才可以做到流心的效果, 那一刻我有點怕呢個甜品會好肥,但最後,肥又有什麼好怕, 我還是再吃多一粒。
然後就是花生餡,呢個冇芝麻咁搶鏡,味道也較普通, 但內容紮實又不算太甜,依然是皮薄餡靚的外表, 絕對是出色的湯圓之一。
最普通的應該是那個薑水,較為淡然薑味不夠強, 如果配合佳佳那個薑水,我相信就是無敵了。
冰天雪地8個人,食得非常滿足,我相信不是常常有機會的, 至少是個緣份,今晚突然吃到這個出色的甜品,也是緣份。
福元湯圓 Fook Yuen
北角炮台山福元街7號利都樓地下I-1舖
沒有留言:
發佈留言