在灣仔的那個角落,我其實冇乜認真去過, 就算有經過都是零時十分或那些破曉時分, 根本沒可能潮聖去吃個雞蛋仔。
我想大概出名原因是個主理人係由法國學成回來吧,雞蛋仔蛋糕, 前排又出左名,遠在加拿大都有人識,講真, 兩樣都咁出位的情況下,呢間野要hit,可想而知有乜野難度。
今日同同事剛巧經過,見到某人氣食家那篇揚揚千字的食評, 吸引了我的目光,像我這樣一個好鹹的男人,其實甚少吃甜品, 之前曾經一排勁食的原因係為左朋友抱得美人歸,但當佢得了手後, 當然男人會繼續好鹹的本性吧,所以來到這裡。
唔好誤會,我好嘅只係鹹食,特別係早已上左神枱嘅品牌, 佢其中一樣最出名就係雞蛋仔,而當中其實我最想食, 就係那個以鹹鹹的東西為主題的雞蛋仔。 我帶同事過黎就係想請佢食雪糕雞蛋仔之餘,自己又有得食。
帶得我個同事黎威,當然食左佢個份先,她選了這個all time favorite - famous night wolf,呢個係灣仔紅到過黎中環,點可以唔食。
首先有呢個意大利低脂雙味軟雪糕,一定要低脂, 我們都相信食低脂會瘦啲呢個不爭的事實。還有牛油crumb, passion fruit Lanna cotta,crunchy flakes 一大串甜品才有的名詞,我卻只是著眼在那個brownie chocolate chip Eggettes。
雪糕絕對是滑很來又不會死甜的香和質感, 意大利雪糕就有一份這樣的細膩,而最喜歡的那個朱古力雞蛋仔, 雞蛋仔當然脆,然後乾爽得來,沾上那些雪糕,特別好味, 當雪糕混合了你地身上,雞蛋仔的性格也就此複雜起來。
不過,好彩我叫一杯,如果唔係我們每人食一個, 應該會飽到出門口,幸好,因為我說過,我好鹹, 我還是想食Non甜品東西,何況係一種好新奇的食物。
話說之前Openrice拍過一個專題,講學點整雞蛋仔, 然後叫我地選材料整雞蛋仔,我記得整過話梅,軟糖, 紅棗味雞蛋仔,然後那個奇怪的感覺,念念不忘,然後, 呢度竟然有相似的東西叫我過黎, 佢地分別係擔擔麵雞蛋仔和臘味雞蛋仔, 叫我的目光放不下的就是這兩個咁特別的雞蛋仔。
首先朋友大推的是臘味雞蛋仔,我本身可能對佢興趣不大, 但係朝聖關係,冇理由唔試,佢啲雞蛋仔得唔得? 一出到黎已經成底都係香味,每粒個皮都係好鬆軟, 雞蛋仔邊與邊之間卻做得非常脆,咬開雞蛋仔的內殻, 那一粒粒的臘味就在裡面散發一點點像煲仔飯的香,如果你喜歡臘味 ,你一定會毫不猶豫喜歡上這個美食。
擔擔麵雞蛋仔,這個是我最期待的,因為相對臘味,我會喜歡擔擔麵 多一點,而我地更剛剛買左佢最後一底雞蛋仔,味道和臘味唔同, 佢冇一條條擔擔麵係裡面, 反而只有強烈花生醬味同一粒粒花生係裡面, 那個擔擔麵靈魂就如寄居了在雞蛋仔裡面,久久不散,而其味道也是在口中停留非常良久而不散。
可惜像我這樣一個好鹹的男人,兩底雞蛋仔已經令我滿足, 同事W小姐都被那個夜狼填飽了肚,雖然好想再食雪糕, 因為呢度種類真係好多,仲可以係咁試,試到真心鐘意先選擇, 那個薑味真係好難忘,可惜我唔係有第二個胃食甜品...
Oddies
中環歌賦街45號地舖
沒有留言:
發佈留言